സ്ത്രീ: അവകാശ, സ്വാതന്ത്ര്യ നിഷേധങ്ങള്‍
അലി ചെമ്മാട്‌
2022 ഫെബ്രുവരി 05, 1442 റജബ് 03
ലോകത്ത് 2020-21 കാലത്ത് കോറോണ മഹാമാരി കാരണം നിഖില മേഖലകളിലും സംഭവിച്ച തകര്‍ച്ച എല്ലാവര്‍ക്കും അറിയാവുന്ന കാര്യമാണ്. ഭക്ഷ്യവസ്തുക്കള്‍വരെ വില്‍ക്കാനും വാങ്ങാനും പറ്റാത്ത അവസ്ഥ ഉണ്ടായിരുന്നു. പണം യഥേഷ്ടമുണ്ടായിട്ടും പട്ടിണികിടന്ന മനുഷ്യര്‍! യാത്രാസൗകര്യമില്ലാതെ, വെള്ളവും ഭക്ഷണവുമില്ലാതെ പലരും വഴിയില്‍ വീണു പിടഞ്ഞു മരിച്ചു. അന്ത്യകര്‍മങ്ങള്‍ നടത്തല്‍പോയിട്ട് ശവം സംസ്‌കരിക്കാന്‍ പോലും ആളില്ലാത്ത അവസ്ഥ. കാക്കയും കഴുകനും നായ്ക്കളും മനുഷ്യ മൃതദേഹം തിന്നുന്ന, മനുഷ്യമേനി പുഴുവരിച്ചു ചീഞ്ഞുനാറിയ ദുരന്തം. ഗംഗയും യമുനയും മനുഷ്യശവങ്ങള്‍ നിറഞ്ഞൊഴുകിയ കാലം. എല്ലാം നിശ്ചലം. അന്ന് നിശ്ചലമായ പലതും പരിപൂര്‍ണമായി നിന്നുപോയി. പലരുടെയും ജോലിയും ഉപജീവനോപാധിയും നഷ്ടപ്പെട്ടു. ചിലതൊക്കെ കരകയറി. പലതും ചക്രശ്വാസം വലിക്കുന്നു. പലതും, പലരും മരിച്ചു.
എന്നാല്‍ ഈ ദുരന്തകാലത്തും തുല്യതയില്ലാതെ വളര്‍ന്ന ഒരു മേഖലയുണ്ട്. ലോകത്ത് 15.12 ശതമാനം വളര്‍ച്ച നേടിയ ഒരേയൊരു വ്യാപാര വ്യവസായ മേഖല! 2020ല്‍ മാത്രം 26,124,276,000,000.00 കോടി രൂപയുടെ വിറ്റുവരവുണ്ടായ വ്യാപാര വ്യവസായം!(1)
അതെ, അതാണ് പെണ്‍മേനി (നഗ്‌നതാ) മാര്‍ക്കറ്റ് (Porn Industry). അവിടെ വില്‍ക്കപ്പെടുന്നത് 90 ശതമാനവും പെണ്‍മേനിയുടെ സ്വകാര്യത മാത്രം! പെണ്ണിന് കൂടുതല്‍ വരുമാനം കിട്ടുന്ന മേഖലയും അത് തന്നെ.(2) എന്താണ് കാരണം?
‘ഒരു ശരാശരി പുരുഷന് ഒരു ദിവസം 13 തവണ ലൈംഗിക ബന്ധത്തെ കുറിച്ച് ചിന്തിക്കുന്നതായി ഗവേഷകര്‍ കണ്ടെത്തി. വര്‍ഷത്തില്‍ 4,745 തവണ. ഏതാണ്ട് മൂന്നിലൊന്ന് പുരുഷന്മാര്‍ രാവിലെ ഉണരുമ്പോള്‍ ആദ്യം ചിന്തിക്കുന്നത് അതാണെന്ന് സമ്മതിക്കുന്നു.' (3)
ഇതുതന്നെ കാരണം! പുരുഷന് ലൈംഗികതയോട് കൂടുതല്‍ താല്‍പര്യവും തൃഷ്ണയും ഉള്ളവനാണ്. ലൈംഗികതയെ കുറിച്ച് കൂടുതല്‍ ചിന്തിച്ച് നടക്കുന്നവനാണ്. അത് പുരുഷപ്രകൃതിയുമാണ്. എന്നാല്‍ സ്ത്രീ അങ്ങനെയല്ല. അവള്ക്ക് ലൈംഗികത ക്ഷണിക്കപ്പെട്ടാല്‍ മാത്രം ആവശ്യമുള്ള ഒന്നാണ്. സ്ത്രീക്ക് ലൈംഗികത ഭ്രാന്തതൃഷ്ണയല്ല. സ്‌നേഹവും പരിഗണയും പരിരക്ഷയും ലഭിക്കുമ്പോള്‍ മാത്രമാണ് അവള്ക്ക് ലൈംഗിക താല്‍പര്യം ഉണ്ടാകുന്നത്. അതാണ് മനുഷ്യപ്രകൃതിയും സഹജസ്വഭാവവും. മനുഷ്യരെ മനുഷ്യപ്രകൃതിയില്‍നിന്ന് പൈശാചികതയിലേക്ക് നയിക്കാനാണ് ഇവിടെ പലരും ശ്രമിക്കുന്നത്. സ്വതന്ത്ര ലൈംഗികതയെയും സ്വവര്‍ഗരതിയെയും പരസ്യമായി ന്യായീകരിക്കാന്‍ ഉളുപ്പും ലജ്ജയുമില്ലാത്ത ഒരു ജനതയായി മലയാളികള്‍ മാറുന്നത് അതിന്റെ സ്വാഭാവിക പരിണാമമല്ല. കൃത്യമായ തിരക്കഥ നടപ്പിലാക്കിയതുകൊണ്ടാണ്. അതിന്റെ ഭാഗം തന്നെയാണ് കുമാരികളോട് ബോയ്ഫ്രണ്ടിനെ ഓര്‍ത്തുറങ്ങാന്‍ നിര്‍ദേശിക്കുന്ന അധ്യാപകരെ ചുട്ടെടുക്കുന്നത്. അവര്‍ വളര്‍ത്തുന്ന ഭാവിതലമുറയുടെ ഭാവി എന്താകും?
സ്‌കൂള്‍തലം തൊട്ട് ആണുടുപ്പുടുപ്പിച്ചും ഉടുത്തത് ഉരിയിച്ചും ബ്രെയിന്‍വാഷ് ചെയ്തും മാര്‍ക്കറ്റ് പാകത്തില്‍ സ്ത്രീയെ ‘വസ്തു'വാക്കുന്നതിനെ കുറിച്ചാണ് പറഞ്ഞുവരുന്നത്. അതിനുവേണ്ടി ലോകം കഠിനപ്രയത്‌നം നടത്തുന്ന ചരിത്രസന്ധിയിലാണല്ലോ നാം ജീവിക്കുന്നത്. നമുക്കൊരു പഠനം കൂടി കാണുക: ‘നഗ്‌ന ചിത്രങ്ങള്‍ കണ്ട പുരുഷന്മാര്‍ സ്ത്രീകളെ കാണുക കേവലം ‘വസ്തു'വായാണ്. ബിക്കിനി ധാരിണികളായ സ്ത്രീകളുടെ ചിത്രം കാണിച്ച ശേഷം എടുത്ത ബ്രെയിന്‍ സ്‌കാന്‍ പരിശോധനയിലൂടെ ഗവേഷകര്‍ കണ്ടെത്തിയതാണിത്.'(4)
ഇന്ന് അങ്ങാടികളിലും സ്‌കൂളുകളിലും കോളേജുകളിലും ബസ്സിലും ട്രെയിനിലും റോഡിലും വിമാനത്തിലും എന്നുവേണ്ട സകല സ്ഥലങ്ങളിലും സ്ത്രീകളുടെ ‘തുറന്നസൗന്ദര്യം' പ്രദര്ശനവത്കരിച്ചുകൊണ്ടിരിക്
ഒരിക്കല്‍ മംഗലാപുരം-തിരുവനന്തപുരം 16348 നമ്പര്‍ ട്രെയിനില്‍ കണ്ണൂരില്‍നിന്ന് പരപ്പനങ്ങാടിയിലേക്ക് വരികയായിരുന്നു. വിന്‍ഡോസീറ്റില്‍ ആയിരുന്നു യാത്ര. കോഴിക്കോട്ടുനിന്ന് തൊട്ടുമുന്നിലെ സീറ്റില്‍ ഒരു കന്യാസ്ത്രീ വന്നിരുന്നു. അവര്‍ കൊല്ലത്തേക്കോ മറ്റോ ആണെന്ന് പറഞ്ഞു. ട്രെയിന്‍ ഫറോക്ക് വിട്ടശേഷം അവര്‍ സ്ഥാനശിരോവസ്ത്രം അഴിച്ചുവച്ച് പകരം മുസ്‌ലിം സ്ത്രീകള്‍ ധരിക്കുന്ന മഫ്ത ധരിച്ചു. ഇപ്പോള്‍ അവരെ കണ്ടാല്‍ പര്‍ദാധാരിണിയായ ഒരു മുസ്‌ലിം സ്ത്രീ ആണെന്നേ തോന്നൂ. എന്തുകൊണ്ടായിരിക്കും അവര്‍ ഇസ്‌ലാമിക വേഷത്തിലേക്ക് മാറിയത്? യാത്രയിലെ സുരക്ഷിതത്വമായിരിക്കാം അവരുടെ വേഷമാറ്റത്തിന് കാരണം.
പരിശുദ്ധ ക്വുര്‍ആന്‍ 33:59ന്റെ പരിഭാഷ ഇങ്ങനെ വായിക്കാം: ‘‘നബിയേ, നിന്റെ പത്‌നിമാരോടും പുത്രിമാരോടും സത്യവിശ്വാസികളുടെ സ്ത്രീകളോടും അവര്‍ തങ്ങളുടെ മൂടുപടങ്ങള്‍ തങ്ങളുടെമേല്‍ താഴ്ത്തിയിടാന് പറയുക. അവര്‍ തിരിച്ചറിയപ്പെടുവാനും അങ്ങനെ അവര്‍ ശല്യംചെയ്യപ്പെടാതിരിക്കുവാനും അതാണ് ഏറ്റവും അനുയോജ്യമായത്. അല്ലാഹു ഏറെ പൊറുക്കുന്നവനും കരുണാനിധിയുമാകുന്നു.''
‘‘സത്യവിശ്വാസിനികളോടും അവരുടെ ദൃഷ്ടികള്‍ താഴ്ത്തുവാനും അവരുടെ ഗുഹ്യാവയവങ്ങള്‍ കാത്തുസൂക്ഷിക്കുവാനും അവരുടെ ഭംഗിയില്‍നിന്ന് പ്രത്യക്ഷമായതൊഴിച്ച് മറ്റൊന്നും വെളിപ്പെടുത്താതിരിക്കുവാനും നീ പറയുക. അവരുടെ മക്കനകള്‍ കുപ്പായമാറുകള്‍ക്കു മീതെ അവര്‍ താഴ്‌ത്തിയിട്ടുകൊള്ളട്ടെ...''(
ഇതില്‍ രണ്ടിലും പ്രത്യേകം എടുത്തുപറഞ്ഞ കാര്യമാണ് സ്ത്രീകളുടെ തട്ടം മാറിലേക്ക് താഴ്‌ത്തി ഇടുക എന്നത്. അവളുടെ സ്തനത്തിന്റെ ഉയര്‍ച്ച കാഴ്ചയില്‍നിന്ന് മറയ്ക്കുക എന്നതല്ലേ ഈ കല്‍പനയുടെ ലക്ഷ്യം? പലരുടെയും ധാരണ തലമുടി മറയ്ക്കുവാന്‍ മാത്രമാണ് കല്‍പനയെന്നാണ്. തല മുഴുവന്‍ തട്ടം ചുറ്റിക്കെട്ടി മാറും തോളും തുറന്നിടുന്ന ഭക്തകളായ സ്ത്രീകളെ നമുക്ക് കാണാം. ബോധ്യപ്പെടലിന്റെയും ബോധ്യപ്പെടുത്തലുകളുടെയും അഭാവം, പരിമിതി. അഞ്ചാം ക്ലാസ്സോ ഏഴാം ക്ലാസ്സോവരെയാണ് മതപഠനം. അതും വളരെ പരിമിതമായ സമയം. മദ്‌റസാ അറ്റാച്ച്ഡ് ഇംഗ്ലീഷ് മീഡിയം സ്‌കൂള്‍ ആണെങ്കില്‍ ഇതിലേറെ പരിതാപകരം. അവിടെ ഒരു പീരിയേഡ് മോറല്‍ സ്റ്റഡി എന്ന പേരില്‍ വഴിപാട് ക്ലാസ്സാണ്. (വളരെ കുറച്ച് സ്ഥാപനങ്ങള്‍ മത, ഭൗതിക പഠനം സമന്വയിപ്പിച്ച്, കുട്ടികളുടെ പഠനവും കരിയറും ബുദ്ധി, വ്യക്തിവികാസവും സമന്വയിപ്പിച്ച് അവരെ ധർമനിഷ്ഠയോടെ വളര്‍ത്തുന്നുണ്ട് എന്നത് പ്രത്യേകം പരിഗണിക്കുന്നു). 10/12 വയസ്സില്‍ നിന്നുപോകുന്ന മതപഠനം ഭൂരിപക്ഷത്തിനും പിന്നെ തീരെ ലഭ്യമല്ല. അതോടെ അവസാനിച്ചു ധാര്‍മിക പഠനം. പിന്നെ അവര്‍ മറ്റൊരു ലോകത്തേക്ക് എടുത്തെറിയപ്പെടുന്നു. സമുദായം പരിഹരിക്കേണ്ട അടിസ്ഥാന പ്രശ്‌നം!
ഭൂമിയില്‍ 6000ത്തോളം സ്പീഷീസ് മാമ്മലുകള്‍ (മുലയൂട്ടുന്ന ജീവികള്‍) നിലവിലുണ്ടെന്നാണ് നാല് വര്‍ഷം മുമ്പ് വന്ന പഠനം സൂചിപ്പിക്കുന്നത്. വംശനാശം സംഭവിച്ചവ വേറേയും.(7) ഇവയെല്ലാം ലൈംഗിക പ്രത്യുത്പാദനമാണ് നടത്തുന്നത്. മനുഷ്യന് ഒഴികെ ഇവയിലൊരെണ്ണത്തിന് പോലും പൊങ്ങിനില്‍ക്കുന്ന മാറിടങ്ങളില്ല. അവയ്‌ക്കെല്ലാം സ്തനം ‘പാലൂട്ടല്‍' എന്ന ഒരൊറ്റ ധര്‍മത്തില്‍ പരിമിതമാണ്. എന്നാല്‍ മനുഷ്യന് സ്തനം പാലൂട്ടല്‍ ധര്‍മം കൂടാതെ അവളുടെ സൗന്ദര്യപ്രകടന, ലൈംഗിക അവയവവും കൂടിയാണ്. അത് അവളുടെ സൗന്ദര്യവും ആകര്‍ഷണീയതയും വര്‍ധിപ്പിക്കുന്നു. അത് അന്യന്റെ മുന്നില്‍ മറയ്ക്കുക എന്നാണ് അല്ലാഹു തആലായുടെ നിര്‍ദേശം. അതിന്റെ ഉദ്ദേശ്യം പുറത്തുള്ളവര്‍ക്ക് അവളോട് ലൈംഗിക ആകര്‍ഷണീയതയും താല്‍പര്യവും ഇല്ലാതാക്കുക എന്നതുതന്നെ. ആണിനെയും പെണ്ണിനെയും അവരുടെ മനസ്സുകളെയും ചിന്തകളെയും ലൈംഗികതയെയും ഇണചേരല്‍ രീതികളെയും സൃഷ്ടിച്ച അല്ലാഹുവിന്റെ കല്‍പനയാണത്.
വിശുദ്ധ ക്വുര്‍ആന്‍ 24:60ന്റെ ആശയം കാണുക: ‘‘വിവാഹ ജീവിതം പ്രതീക്ഷിക്കാത്ത (വയോധികരെ) സംബന്ധിച്ചിടത്തോളം സൗന്ദര്യം പ്രദര്ശിപ്പിക്കാത്തവരായിക്കൊ
കാര്യം വ്യക്തമാണ്. ശിരോവസ്ത്രം മാറിലേക്ക് താഴ്ത്തിയിടാന് കല്‍പിച്ചത് അവളുടെ സൗന്ദര്യം പൊതുദര്‍ശന വസ്തുവാക്കി മാറ്റാതെ സ്വന്തം ഇണക്ക് മാത്രം പരിമിതപ്പെടുത്തുക എന്ന വ്യക്തമായ ലക്ഷ്യത്തോടെ തന്നെയാണ്. ഇപ്പോള്‍ പെണ്‍കുട്ടികള്‍ എക്‌സിബിഷനിസത്തെ അഭിമാനമായി കാണുകയാണ്. അതിലേക്കാണ് അവരെ തെളിക്കുന്നത്. വല്ലാതെ വൈകാതെ ബിക്കിനിയിലേക്കും കേരള സ്ത്രീകള്‍ മാറിയേക്കാം. ഇതിനുള്ള മുന്നൊരുക്ക ഭാഗം തന്നെയാണ് ജെന്റര്‍ ന്യൂട്രല്‍ യൂണിഫോം. പെണ്‍കുട്ടികളുടെ സ്വാതന്ത്ര്യ പ്രഖ്യാപനമായി അതിനെ വിശേഷിപ്പിച്ചവര്‍ യൂണിഫോം സ്വാതന്ത്ര്യനിഷേധമാണെന്ന വസ്തുത സൗകര്യപൂര്‍വം മറച്ചുവയ്ക്കുന്നു.
സ്റ്റീവന്‍ പിങ്കറിന്റെ പുസ്തകത്തിലെ ഒരു ഉദ്ധരണി കാണുക: ‘‘പുരുഷന് ലൈംഗിക ഉത്തേജനമുണ്ടാകാന്‍ സ്ത്രീശരീരം കണ്ടാല്‍ തന്നെ ധാരാളം. സ്ത്രീശരീരം നേരിട്ട് കാണണമെന്നില്ല, സ്ത്രീശരീരം ഉള്‍കൊള്ളുന്ന സിനിമകള്‍, ഫോട്ടോകള്‍, ചിത്രങ്ങള്‍, പോസ്റ്റ്കാര്‍ഡുകള്‍, പാവകള്‍, വീഡിയോകള്‍ തുടങ്ങി എന്ത് കണ്ടാലും അവന് ലൈംഗികമായി ഉത്തേജിപ്പിക്കപ്പെടും. അവന് ഇത്തരം സാധനങ്ങളില്‍നിന്ന് പോലും ലൈംഗികത ആസ്വദിക്കുന്നു, ലോക നഗ്‌നതാ വ്യാപാര വ്യവസായ കമ്പോളം ഇക്കാര്യത്തിന് അടിവരയിടുന്നു. അമേരിക്കയില്‍ മാത്രം പോണോഗ്രാഫി പത്ത് ബില്യണ്‍ ഡോളറിന്റെ വിറ്റുവരവുള്ള വ്യവസായമാണ്.''(6) (പുസ്തകം പ്രസിദ്ധീകരിച്ച 1997ന് മുമ്പുള്ള കണക്ക്. 2021ലെ കണക്ക് ലഭിച്ചില്ല. ഇപ്പോള്‍ ഇത് എത്രയോ മടങ്ങ് വര്‍ധിച്ചിട്ടുണ്ടാകും).
പുരുഷവര്‍ഗത്തിന് ലൈംഗിക ഉത്തേജനത്തിന് പെണ്‍വസ്ത്രത്തില്‍ വൈക്കോല്‍ നിറച്ച് നാട്ടിയത് കണ്ടാലും മതി എന്ന് പറയാറുണ്ട്. അതുകൊണ്ടാണല്ലോ പല പുരുഷ ശിരോമണികളും ബസ്സിലും വിമാനത്തിലും മറ്റും മറ്റും പൗരുഷം തെളിയിച്ചതിന്റെ വാര്‍ത്തകള്‍ നമുക്ക് കേള്‍ക്കേണ്ടിവരുന്നത്. നടേ പറഞ്ഞ പെണ്‍മേനി വ്യവസായ വളര്‍ച്ചയുടെ കാരണവും ഇതുതന്നെ. പുരുഷന്മാര്‍ക്ക് കൊറോണ കാരണം ഒഴിവുസമയം കൂടിയപ്പോള്‍ അവര്‍ നഗ്‌നത ആസ്വദിക്കാന്‍ പണം മുടക്കി. അത് തന്നെ!
അല്ലാഹു തആലായുടെ നിര്‍ദേശം പ്രസക്തമാകുന്നത് ഇവിടെയാണ്. ‘വിശ്വാസിനികളേ, നിങ്ങളുടെ വസ്ത്രം നല്‍കുന്ന സുരക്ഷിതത്വത്തിലൂടെ നിങ്ങള്‍ അക്രമിക്കപ്പെടാതിരിക്കട്ടെ, നിങ്ങള്‍ മാന്യരാണെന്ന് നിങ്ങളുടെ വസ്ത്രം വിളംബരം ചെയ്യട്ടെ.'
ഇവിടെയാണ് നവലിബറല്‍, നാസ്തിക, ഫെമിനി കാപട്യം തിരിച്ചറിയേണ്ടത്. പേ ഇളകിയ പട്ടിയെ കൊല്ലുകയല്ലാതെ അത് കടിക്കും എന്ന് കരുതി മനുഷ്യരെ, വളര്‍ത്തുജീവികളെ ആരെങ്കിലും കൊല്ലുമോ? അതുകൊണ്ട് പുരുഷന്മാര്‍ സ്ത്രീകളുടെ സൗന്ദര്യപ്രകടനം നോക്കാതിരിക്കട്ടെ, നോക്കിയാല്‍ അവനെതിരേ നടപടിയെടുക്കണം. പെണ്ണ് അരവസ്ത്രയായി നടക്കും. അത് അവളുടെ അവകാശം! ‘എന്റെ ശരീരം എന്റെ അവകാശം':- ഇതാണ് പ്രഖ്യാപിത ന്യായീകരണ ‘മദം!' ഡ്രസ്സ്‌കോഡിനെ കുറിച്ച് സംസാരിക്കുന്നിടങ്ങളിലെല്ലാം ഇത്തരം ‘തൗദാരം' ധാരാളം! പക്ഷേ, ശരീരം മറയ്ക്കുന്ന പെണ്ണിന് അതിനവകാശം നല്‍കാന്‍ ഇവര്‍ക്കാകില്ല. അവിടെ അവളുടെ ശരീരം അവളുടെതല്ലാതാക്കി തന്റെതാക്കുന്നു. ആ സ്ത്രീകള്‍ക്ക് ‘എന്റെ ശരീരം എന്റെ അവകാശം' എന്ന അവകാശ പ്രഖ്യാപനാവകാശം അനുവദിക്കാന്‍ സ്വാതന്ത്ര്യപ്രഖ്യാപന വ്യാപാരികള്‍ അനുവദിക്കില്ല! സ്വന്തം ശരീരം മറച്ച സ്ത്രീകള്‍ക്കെതിരെ ഇവരിലെ പുരോഗമനം ഉടന്‍ പുറത്തുചാടും. കുറച്ചു കാലമായി സോഷ്യല്‍മീഡിയയില്‍ കറങ്ങിനടക്കുന്ന ഒരു കവിതാശകലം ഇത് തെളിയിക്കുന്നുണ്ട്. ഏതോ കോളേജ് മാഗസനില്‍ ‘പുരോഗമന പുരുഷന്' എഴുതിയ ധാര്‍മികരോഷം! ആ രോഷലക്ഷ്യം വ്യക്തം, അവനും വേണം പെണ്ണ് ഉടുക്കാതെ നടക്കുന്ന കാഴ്ച! അവന് അത് ആസ്വദിക്കണം, മാര്‍ക്കറ്റില്‍ പെണ്ണിനെ ഇറക്കണം.
സ്ത്രീ വിവസ്ത്രയായി നടക്കുന്നത് തെറ്റല്ല, അവളെ നോക്കുന്നത് തെറ്റ്! അതുപോലെ ‘ചോക്ലേറ്റ് പൊതിഞ്ഞുവച്ചില്ലെങ്കില്‍ ഉറുമ്പരിക്കും,' ‘വിളയിറക്കിയാല്‍ വേലി കെട്ടണം' തുടങ്ങിയ മറു ന്യായങ്ങളും പരിഗണിക്കുക. എല്ലാം സ്ത്രീയെ വസ്തുവത്ക്കരിച്ച ന്യായവൈകല്യങ്ങള്‍! സ്ത്രീയെയും പുരുഷനെയും അവരുടെ ചിന്തകളെയും മനസ്സിനെയും ശരീരത്തെയും ലൈംഗികതയെയും വ്യക്തിത്വത്തെയും പരിഗണിക്കാത്ത വാദമുഖങ്ങള്‍! അല്ലാഹു സൃഷ്ടിച്ച മനുഷ്യന് അവന് നല്‍കിയ മാര്‍ഗനിര്‍ദേശങ്ങള്‍ മാത്രമെ അവരുടെ പ്രകൃതിപരമാകൂ. അത് മാത്രമെ അവരെ സാമൂഹ്യജീവിയാക്കൂ. അതുകൊണ്ടേ അവര്‍ സംസ്‌കൃത മനുഷ്യരാകൂ. അതിലൂടെ മാത്രമെ അവര്‍ക്ക് ധാര്‍മികജീവിതം നയിച്ച് ഇരുലോകവിജയം നേടാനാകൂ.
എന്തുകൊണ്ട് പുരുഷന് അല്‍പവസ്ത്രം മാത്രം എന്ന ചോദ്യവും വരാറുണ്ട്. സ്ത്രീകള്‍ക്ക് പുരുഷ ശരീരം കണ്ടാല്‍ ലൈംഗിക ഉത്തേജനം ഉണ്ടാകുന്നില്ല എന്നതുതന്നെയാണ് ആദ്യ കാരണം. (ഒറ്റപ്പെട്ട ചില അപവാദങ്ങള്‍ കണ്ടേക്കാം). അവന് കഠിനാധ്വാനം ചെയ്യേണ്ടവനാണ്. അതും ഒരു കാരണമാണ്.
‘പുരുഷന് നഗ്‌നത പ്രദര്‍ശിപ്പിച്ചാല്‍ സ്ത്രീ അത് അവള്ക്ക് നേരെയുള്ള അക്രമായി കണക്കാക്കും. സ്ത്രീ നഗ്‌നത പ്രദര്‍ശിപ്പിച്ചാല്‍ പുരുഷന് അത് അവളുടെ ലൈംഗിക ബന്ധത്തിനുള്ള ക്ഷണമായി സ്വീകരിക്കും.'(7)
പുരുഷശരീര സൗന്ദര്യം കണ്ടെന്നുവച്ച് സ്ത്രീകള്‍ ലൈം ഗികമായി ഉത്തേജിക്കപ്പെടുന്നില്ല എന്ന് മാത്രമല്ല അവള്‍ അതാസ്വദിക്കുന്നുമില്ല; സിനിമകളിലും കഥകളിലുമല്ലാതെ. അതുകൊണ്ടാണല്ലോ പുരുഷ നഗ്‌നതാ പ്രദര്‍ശനത്തെ അവള്ക്ക് നേരെ യുള്ള അക്രമമായി അവള്‍ കണക്കാക്കുന്നത്. ഇതിന് അടിവരയിടുന്ന ഒരു വാര്‍ത്ത കാണുക:
‘പത്തനംതിട്ട: പത്തനംതിട്ടയില്‍ വനിതാ ഹോസ്റ്റലിന് മുന്നില്‍ പട്ടാപ്പകല്‍ നഗ്‌നതാ പ്രദര്‍ശനം. ഇരുചക്രവാഹനങ്ങളില്‍ എത്തിയ രണ്ടുപേരാണ് നഗ്‌നത പ്രദര്‍ശിപ്പിച്ച് അശ്ലീലചേഷ്ടകള്‍ കാണിച്ചത്. ഹോസ്റ്റലിലെ വിദ്യാര്‍ഥിനികള്‍ ചിത്രീകരിച്ച ദൃശ്യങ്ങള്‍ മാതൃഭൂമി ന്യൂസ് പുറത്തുവിട്ടു.
കഴിഞ്ഞദിവസം രാവിലെ 11നും 12 മണിക്കും ഇടയിലായിരുന്നു സംഭവം. മുണ്ടും ഷര്‍ട്ടും ധരിച്ച് ബുള്ളറ്റിലും സ്‌കൂട്ടറിലും എത്തിയ രണ്ടുപേരാണ് വാഹനം ഹോസ്റ്റലിനു മുന്നില്‍ നിര്‍ത്തി വസ്ത്രം മാറ്റി നഗ്‌നത പ്രദര്‍ശിപ്പിച്ചത്. ഏകദേശം 45 വയസ്സിന് മുകളില്‍ പ്രായമുള്ളവര്‍ വിദ്യാര്‍ഥിനികര്‍ക്കു നേരെ ലൈംഗിക ചേഷ്ടകള്‍ കാണിക്കുന്ന ദൃശ്യങ്ങള്‍ വീഡിയോയിലും വ്യക്തമാണ്.'(8)
തുടര്‍ വാര്‍ത്തയും ‘മാതൃഭുമി' തന്നെ നല്‍കുന്നു: ‘പത്തനംതിട്ട: പത്തനംതിട്ടയില്‍ വനിതാ ഹോസ്റ്റലിന് മുന്നില്‍ പട്ടാപ്പകല്‍ നഗ്‌നതാ പ്രദര്‍ശനം നടത്തിയവരില്‍ ഒരാള്‍ പോലീസിന്റെ പിടിയിലായി. അങ്ങാടിക്കല്‍ സ്വദേശി നന്ദനന്‍ ആണ് പിടിയിലായത്. ഇരുചക്രവാഹനങ്ങളില്‍ എത്തിയ രണ്ടുപേരാണ് നഗ്‌നത പ്രദര്‍ശിപ്പിച്ച് അശ്ലീലചേഷ്ടകള്‍ കാണിച്ചത്...'(9)
സ്റ്റീവന്‍ പിങ്കര്‍ പറഞ്ഞത് എത്ര ശരി! ‘പുരുഷകാമോദ്ദീപക യന്ത്രങ്ങളായി സ്ത്രീകള്‍ നാട് നിറഞ്ഞിട്ടും ഒരൊറ്റ കേസ് പോലും ആരും കൊടുത്തിട്ടില്ല, എടുത്തിട്ടുമില്ല. പക്ഷേ, പുരുഷന് അങ്ങനെ ചെയ്യാന്‍ പാടില്ല. അവന് നഗ്‌നത പ്രദര്‍ശിപ്പിക്കുന്നത് അവന്റെ ലൈംഗിക ലക്ഷ്യം തന്നെയാണ്. എന്നാല്‍ സ്ത്രീകള്‍ തങ്ങളുടെ വേഷത്തിലൂടെ പുരുഷന് ലൈംഗിക ആകര്‍ഷണം ഉണ്ടാക്കും. താന്‍ അവനെ ലൈംഗിക ബന്ധത്തിന് ക്ഷണിക്കുകയാണ് എന്ന് തിരിച്ചറിയാതെയാണ് ഉടുത്തിട്ടും ഉടുക്കാതെ അവള്‍ നടക്കുന്നത്. അത് മാത്രമല്ല പുരുഷന് പെണ്ണഴക് ആസ്വദിക്കുകയല്ലാതെ കേസ് കൊടുക്കാനൊന്നും പോകില്ല. അഥവാ അങ്ങനെ സംഭവിച്ചാല്‍ അവന് സ്ത്രീവിരുദ്ധനായി ചിത്രീകരിക്കപ്പെടാനും ചിത്രവധം ചെയ്യപ്പെടാനും അധികം സമയം വേണ്ട. അതാണല്ലോ, അങ്ങനെയാണല്ലോ നമ്മുടെ സാമൂഹ്യ പരിസരവും പൊതുബോധവും!
നേരത്തെ പറഞ്ഞ സ്റ്റീവന്‍ പിങ്കറിന്റെ പുസ്തകത്തില്‍നിന്ന്: ‘‘പുരുഷ നഗ്‌നത കണ്ടെന്നുവച്ച് സ്ത്രീ ലൈംഗികമായി ഉണര്‍ത്തപ്പെടുന്നില്ല.''(10) പുരുഷ ലൈംഗികതയുടെ പ്രത്യേകത പക്ഷേ, സ്ത്രീകള്‍ തിരിച്ചറിയുന്നില്ല. അതുകൊണ്ടാണല്ലോ അവള്‍ പൊതു ഇടങ്ങളിലും വിദ്യാലയങ്ങളിലും ഓഫീസുകളിലും മറ്റും മറ്റും യാതൊരു നാണവുമില്ലാതെ സൗന്ദര്യപ്രകടന വസ്തുവായി പുരുഷന് കല്‍പിച്ചു നല്‍കിയ അരവസ്ത്രം ധരിച്ച് ‘ഉടുത്തൊ'രുങ്ങി നടക്കുന്നത്. അതിന്റെ പ്രശ്‌നങ്ങള്‍ സ്ത്രീകള്‍ നന്നായിട്ട് അനുഭവിക്കുന്നുമുണ്ട്. രണ്ട് സേര്‍ച്ച് എഞ്ചിന്‍ ഉപയോഗിച്ച് വെബ് ലോകത്ത് Women facing problems in workplaces എന്ന കീ വേര്‍ഡില്‍ നടത്തിയ അന്വേഷണം അതിദയനീയ സ്ത്രീവിരുദ്ധ ചെയ്തികളുടെ റിസള്‍ട്ടാണ് നല്‍കിയത്. ഒന്ന് സാധാരണപോലെ ഗൂഗിളില്‍, മറ്റൊന്ന് മൈക്രോസോഫ്റ്റ് ബിങ്ങില്‍.
രണ്ടിലും ആദ്യം ലഭിച്ച 20 ലിങ്കുകളാണ് തുറന്നത്. ഗൂഗിളില്‍ ഇരുപതില്‍ പതിനഞ്ച് റിസള്‍ട്ടും ബിങ്ങില്‍ ഇരുപതില്‍ പതിനെട്ട് റിസള്‍ട്ടും കാണിക്കുന്നത് ജോലിസ്ഥലങ്ങളില്‍ സ്ത്രീകള്‍ ലൈംഗിക പീഡനങ്ങള്‍ക്ക് (sexual harassment) വിധേയമാക്കപ്പെടുന്നുണ്ട് എന്നും, ഇത്തരം പീഡനങ്ങളില്‍ എണ്‍പത് ശതമാനവും കണക്കുകളില്‍ ഉള്‍പ്പെടുന്നില്ല എന്നുമാണ്. അമ്പത്തിയഞ്ച്, അറുപത് ശതമാനം വര്‍ക്കിംഗ് ലേഡീസും ഇത്തരം പ്രശ്ങ്ങള്‍ അനുഭവിക്കുന്നവരാണെന്നും വ്യക്തമാക്കുന്നു. മാത്രമല്ല, പത്തും പതിനഞ്ചും പ്രശ്‌നങ്ങള്‍ ലിസ്റ്റ് ചെയ്ത പഠനങ്ങളില്‍ സ്ത്രീകള്‍ക്ക് നേരെയുള്ള ലൈംഗിക അതിക്രമങ്ങള്‍ക്ക് 1-4 സ്ഥാനമാണുള്ളത്. ഒന്നുകില്‍ ലൈംഗിക അക്രമം അല്ലെങ്കില്‍ ശമ്പളത്തിലെയും സ്ഥാനങ്ങളിലെയും പ്രൊമോഷനുകളിലെയും ലിംഗ അസമത്വം. നാം ‘മീ റ്റൂ' മറന്നിട്ടില്ലല്ലോ.
‘വത്തക്കാ സമരം' വഴി വഴിമാറിയ മലപ്പുറം മങ്ക, മുഖപുസ്തക പ്രമുഖ കൂടെക്കൂടെ മുഖപുസ്തകത്തില്‍ കരയുന്നത് കാണാം; ‘എന്റെ ഇന്‍ ബോക്‌സില്‍ അവന് അങ്ങനെ പറഞ്ഞു,' ‘എന്നെ ഫ്രീ തിങ്കന്‍ അതിനു ക്ഷണിച്ചു,' ‘എനിക്കും അവനും വേണ്ടി അവന് റൂം ബുക്ക് ചെയ്തു' എന്നിങ്ങനെ.
അവരുടെ ഒരു ഫെയ്‌സ്ബുക്ക് പോസ്റ്റ് മാത്രം ഉദാഹരിക്കാം: ‘‘പലപ്പോഴും പെണ്‍കുട്ടികളുടെയും ട്രാന്‍സ് സുഹൃത്തുക്കളുടെയും ഇന്‍ബോക്‌സില്‍ മെസഞ്ചര്‍ ഓണ്‍ ആക്കാത്തത് എന്താണെന്ന് ചോദിച്ചാല്‍ സുഹൃത്തുക്കള്‍ പലര്‍ക്കും ഞാന്‍ കാണിച്ചുകൊടുക്കാറുണ്ട്... പല പ്രമുഖരുടെയും മെസ്സേജുകള്‍... അതിതീവ്രമായ... ഭീകരമായ എന്ന് പറയാം... അത്രയും സെക്ഷ്വല്‍ ദാരിദ്ര്യം പിടിച്ച കുറെ മെസ്സേജുകളും വീഡിയോകളും അവരുടെ ന്യൂഡിറ്റിയുമൊക്കെയാണ് അയക്കാറുള്ളത്... കൂടെ ജോലിചെയ്യുന്ന കുട്ടിയുടെ ഫോണിലേക്ക് വന്ന മെസ്സേജും വീഡിയോയും കണ്ടു അവള്‍ കരഞ്ഞതും പനി വന്നതും ഞാന്‍ ഇന്നുമോര്‍ക്കുന്നു. മൃഗങ്ങളുമായി സെക്‌സ് ചെയ്യുന്ന വീഡിയോസ്‌ വരെ അയക്കുന്ന സെക്ഷ്വല്‍ ദരിദ്രവാസികള്‍ ഉള്ള പുരോഗമന നാട്ടിലാണ് നമ്മള്‍ ജീവിക്കുന്നത്''. പലതും ഇതിലേറെ വൃത്തികെട്ട ഭാഷയിലാണ് ഉള്ളത്. ഇത് ഒറ്റപ്പെട്ട സംഭവമല്ല, പല ആക്റ്റിവിസ്റ്റുകളും മാധ്യമപ്രവര്‍ത്തകരും പൊതുപ്രവര്‍ത്തകരുമായ സ്ത്രീകള്‍ സ്ഥിരമായി നേരിടുന്ന പ്രശ്‌നമാണ്. പല പെണ്‍കുട്ടികളും ഇത് പുറത്തു പറയാനാകാതെ വിഷാദരോഗത്തിനടിമപ്പെടുന്നുണ്ട്
ഈ പറഞ്ഞ സ്ത്രീകളും പുരുഷകേസരികളുമെല്ലാം ലിബറലുകളും സര്‍വതന്ത്ര സ്വതന്ത്രരുമാണ്. അവരുടെ ഇടയിലെ സ്ത്രീസ്വാതന്ത്ര്യത്തിന്റെ നേര്‍രൂപമാണിത്!
പുതിയ ഒരു വാര്‍ത്തകൂടി ചേര്‍ത്ത് അവസാനിപ്പിക്കാം: ‘‘എയര്‍ ഇന്ത്യ വിമാനം പറക്കുന്നതിന് മുമ്പ് അവരുടെ ക്യാബിന്‍ ക്രൂകളുടെ ബോഡി മാസ്സ് ഇന്‍ടെക്‌സ് (BMI) പരിശോധന നടത്താന്‍ തീരുമാനിച്ചു. ഈ ഇരുപതാം തീയതിയാണ് എക്‌സിക്യുട്ടീവ് ഡയരക്ടര്‍ (ഇന്‍ ഫ്‌ളൈറ്റ്) വസുധ ചന്ദന ഓര്‍ഡര്‍ പുറത്തിറക്കിയത്. തൊഴിലാളി സംഘടനകള്‍ ഇതിനെതിരെ സംഘടിക്കുകയും ഇത് മനുഷ്യത്വ രഹിതവും നിയമ വിരുദ്ധവുമാണെന്ന് അവകാശപ്പെടുകയും ചെയ്തു.'' (11,12)
വിമാനയാത്ര ചെയ്യുന്ന ആര്‍ക്കും അറിയാവുന്ന കാര്യമാണ് ക്യാബിന്‍ ക്രൂ 90 ശതമാനവും സ്ത്രീകള്‍ ആണെന്ന വസ്തുത. അവര്‍ മെലിഞ്ഞവരോ തടിച്ചവരോ ആകരുത്. വടിവൊത്ത ശരീരം ഉള്ളവര്‍ ആകണം. സ്ത്രീ ശരീരസൗന്ദര്യ ചൂഷണത്തിന്റെ, സ്ത്രീപീഡനത്തിന്റെ ഔദ്യോഗിക വിളംബരം. ഇത് ഒറ്റപ്പെട്ട വാര്‍ത്തയാണ്; എന്നാല്‍ നിത്യ സംഭവവും. ഇത് എല്ലാ ഇടങ്ങളിലും, പ്രത്യേകിച്ച് ഹോസ്പിറ്റാലിറ്റി കസ്റ്റമര്‍ കെയര്‍ മേഖലകളില്‍ മുതലാളിമാര്‍ പരിഗണിക്കുന്ന പ്രഥമ കാര്യമാണ്. ഇത്തരം വാര്‍ത്തകളൊന്നും നമ്മുടെ മാധ്യമങ്ങള്‍ക്കോ സോഷ്യല്‍ മീഡിയക്കോ ആക്ടിവിസ്റ്റ് ആക്രോശകര്‍ക്കോ ഫെമിനി പെണ്ണുങ്ങള്‍ക്കോ ലിബറല്‍ അവതാരങ്ങള്‍ക്കോ പ്രശ്‌നമല്ല. ഒരു സ്ത്രീ മാന്യമായി വസ്ത്രം ധരിച്ചാലോ ഉടുക്കാന്‍ സ്വാതന്ത്ര്യമുണ്ട് എന്ന് പറഞ്ഞാലോ ആരെങ്കിലും സ്വവര്‍ഗരതിക്കെതിരെ സംസാരിച്ചാലോ ഇവരുടെ ധാര്‍മികരോഷം പതഞ്ഞുപൊങ്ങി സദാചാര പോലീസ് കല്‍പനകള്‍ പുറപ്പെടുവിക്കും. ഉടനെ ചാനല്‍ ചര്‍ച്ചകളും എമണ്ടന്‍ ഉപന്യാസങ്ങളും കഥയും കവിതയും പിറക്കും.
ഒന്നേ പറയാനുള്ളൂ; സ്ത്രീ അവളുടെ സൗന്ദര്യം മറച്ചുവയ്ക്കുക എന്നത് അവളുടെ വ്യക്തിത്വത്തിനും സുരക്ഷക്കും പ്രകൃതിക്കും അത്യാവശ്യമാണ്. അതാണ് ആധുനിക ലൈംഗികശാസ്ത്രം നമ്മെ പഠിപ്പിക്കുന്നത്. മനുഷ്യനെ സൃഷ്ടിച്ച, മനുഷ്യമനസ്സിനെ സൃഷ്ടിച്ച, മനുഷ്യ വികാരവിചാരങ്ങള്‍ നിര്‍ ണയിച്ച, മനുഷ്യലൈംഗികതയും സൗന്ദര്യവും സൗന്ദര്യബോധവും രൂപല്‍പന ചെയ്ത അല്ലാഹുവിന്റെ നിര്‍ദേശവും കല്‍പനയും. അത് പാലിക്കുക. ഇരുലോകത്തും വിജയിക്കുക.
അനുബന്ധം:
സ്ത്രീകള്‍ക്ക് നേരെയുള്ള ഏറ്റവും പുതിയ സ്വാതന്ത്ര്യനിഷേധ നടപടി; കേരളത്തിലെ പൗരന്റെ ജീവനും സ്വത്തും അഭിമാനവും അവകാശങ്ങളും സംരക്ഷിക്കാന്‍ ഉത്തരവാദിത്തവും ബാധ്യതയും ഉള്ള കേരള അഭ്യന്തര വകുപ്പില്‍നിന്നാണ്. അതേ വകുപ്പാണ് മുമ്പ് ശബരിമലയിലേക്ക് നിഷേധിനികളായ സ്ത്രീകളെ ഒളിച്ചുകടത്തിയത്. ഇതൊരു ശബരിമല സീസണ്‍ ആയതുകൊണ്ട് ഓര്‍ത്തതാണ്. ആ വകുപ്പിന്റെ ഒത്താശയോടെയാണ് സംസ്‌കാരത്തെയും ധാര്‍മികതയെയും വെല്ലുവിളിച്ച് ലജ്ജയില്ലാതെ ആര്‍ത്തവാഘോഷം നടത്തിയത്. റിലയന്‍സ് പരസ്യത്തിന് പ്രധാനമന്ത്രി ഫോട്ടോപോസ് ചെയ്തത് പോലെ കേരള അഭ്യന്തര വകുപ്പ് കയ്യാളുന്ന മുഖ്യമന്ത്രി യോനീ പരസ്യ നായക നായത് കേരളത്തിന് നാണക്കേടായിരുന്നു. ആര്‍ത്തവോത്സവ ആഘോഷ കവാടം സ്ത്രീ ജനനേന്ദ്രിയമായിരുന്നു എന്നത് യാദൃച്ഛികമല്ലായിരുന്നു. സ്ത്രീയെ ചൂഷണം ചെയ്യാനും കമ്പോളവത്കരിക്കാനും ലക്ഷ്യവച്ച് തന്നെയായിരുന്നു ആര്‍ത്തവാഘോഷം. സര്‍ക്കാര്‍ സംവിധാങ്ങള്‍ ദുരുപയോഗം ചെയ്തു ഭരണകക്ഷി നടത്തിയ നവോത്ഥാന മതിലിലൂടെയും സ്ത്രീ ചൂഷകവര്‍ഗം ലക്ഷ്യംവച്ചത് അതുതന്നെയായിരുന്നില്ലേ? അഭ്യന്തര വകുപ്പിനെ കുറിച്ചും സേനയുടെ പ്രവര്‍ത്തവനങ്ങളെ കുറിച്ചും പ്രശ്‌നങ്ങളും പരാതിയും നിത്യ സംഭവമാണ്. കുട്ടിപ്പോലീസ് യൂണിഫോമിലാണ് ആ വകുപ്പ് ഇപ്പോള്‍ തൊട്ടിട്ടുള്ളത്. തട്ടവും മുഴുക്കയ്യന്‍ ഷര്‍ട്ടും ധരിക്കാന്‍ കുട്ടിപ്പോലീസിലെ പെണ്‍കുട്ടികളെ അനുവദിക്കില്ല എന്നാണ് സര്‍ക്കാരും വകുപ്പും ഉത്തരവ് ഇറക്കിയിട്ടുള്ളത്. ഇതിന്റെ പിന്നിലെ ലക്ഷ്യം എന്താണ്? മുമ്പ് കേന്ദ്രസര്‍ക്കാര്‍ ചില പരീക്ഷകള്‍ക്ക് പെണ്ണിന്റെ വസ്ത്രസ്വാതന്ത്യം നിഷേധിച്ചത് നാം മറക്കാതിരിക്കുക. കേന്ദ്രവഴിയില്‍തന്നെയാണോ കേരള സര്‍ക്കാരും?
വാല്‍ നക്ഷത്രം:
നേരത്തെ വായിച്ച കവിത, ഇസ്‌ലാം സ്ത്രീപീഡന യന്ത്രമാണെന്ന് സ്ഥാപിക്കാന്‍ കേരളത്തിലെ ഒരു നാസ്തിക വിദ്യാര്‍ഥിസംഘടന കോളേജ് മാഗസിനില്‍ പ്രസിദ്ധീകരിച്ചതാണ് എന്നാണ് മനസ്സിലാക്കാന്‍ കഴിഞ്ഞത്. ഇവർ തന്നെയാണ് പണ്ട് ഫാറൂഖ് കോളേജില്‍ വത്തക്ക സമരം എന്ന പേരില്‍ നഗ്‌നതാപ്രദര്‍ശന മത്സരത്തിന് കാരണം. ഇവർ തന്നെയാണ് കോളേജില്‍ മിക്‌സഡ് ബെഞ്ചിനു വേണ്ടി ബഹളം വച്ചതും.
ഈ കവിതക്ക് രണ്ട് തലങ്ങളുണ്ട്. ഒന്ന് ഇസ്‌ലാമിനോടും അതിലൂടെ സംസ്‌കാരങ്ങളോടും ധാര്‍മികതയോടും മതങ്ങളോടും ദൈവവിശ്വസത്തോടുമുള്ള കടുത്ത വെറുപ്പും വിേദ്വഷവും. രണ്ട്, എല്ലാ നാസ്തികരെയും പോലെ എല്ലാം ലൈംഗികതയിലൂടെ മാത്രം കാണുന്ന പുരുഷ മേധാവിത്വം. ഈ വൃത്തികെട്ട പ്രചാരണ രീതിയുടെ ലക്ഷ്യം മതത്തിനും ദൈവവിശ്വാസത്തിനും എതിരെ സ്ത്രീകളെ മസ്തിഷ്‌ക്ക പ്രക്ഷാളനം നടത്തി മാര്‍ക്കറ്റില്‍ ഇറക്കി മുതലാളിത്ത താല്‍പര്യം സംരക്ഷിക്കുക എന്നതുതന്നെ. ഇത് നാം വനിതാ മതിലിലും കണ്ടതാണ്. പെണ്ണിനെ മാര്‍ക്കറ്റില്‍ ലഭ്യമാക്കാനുള്ള എളുപ്പമാര്‍ഗം ഇതൊക്കെത്തന്നെ.
അടിയടയാളം:
1. https://www.prnewswire.com/
2. https://www.cnbc.com/2016/01/
3. https://www.telegraph.co.uk/
4. https://www.theguardian.com/
5. https://www.sciencedaily.com/
6. How the Mind Works. Steven Pinker – Penguin books (1998) PDF page 471, 472
7. How the Mind Works. Steven Pinker – Penguin books (1998) PDF page 471
8. https://www.mathrubhumi.com/
9. https://www.mathrubhumi.com/
10. How the Mind Works. Steven Pinker – Penguin books (1998) PDF page 472
11. http://timesofindia.
12. https://www.indiatoday.in/