സംരക്ഷകന്‍

ഉസ്മാന്‍ പാലക്കാഴി

2018 ഒക്ടോബര്‍ 20 1440 സഫര്‍ 09

അല്ലാഹുവാണെന്റെ സംരക്ഷകന്‍

അവനല്ലോ എല്ലാം പടച്ചുള്ളവന്‍

അവനോടു മാത്രമെന്‍ പ്രാര്‍ഥനകള്‍

അവനല്ലോ എല്ലാതും കാണുന്നവന്‍

അവനല്ലോ എല്ലാതും കേള്‍ക്കുന്നവന്‍

അവനല്ലോ എല്ലാതും അറിയുന്നവന്‍

അവനേകി നമ്മള്‍ക്കായ് ദീനിസ്‌ലാം

അന്തിമവേദവും നമ്മള്‍ക്കേകി

അന്തിമ ദൂതനെ വഴികാണിക്കാന്‍

അയച്ചതുമല്ലാന്റെ കാരുണ്യമാം

അഹദായ റബ്ബവന്‍ സ്വര്‍ഗം നല്‍കി

അനുഗ്രഹം നമ്മില്‍ ചൊരിയാനായി

അവനോടു മാത്രം നാം തേടിടേണം

അവനു വഴിപ്പെട്ടു ജീവിക്കേണം

മുത്ത് റസൂലിന്റെ ചര്യയെല്ലാം

മരണം വരെ പിന്തുടര്‍ന്നിടേണം

തൗഹീദില്‍ നമ്മള്‍ ഉറച്ചിടേണം

ശിര്‍ക്കിനെ പാടെ വെടിഞ്ഞിടേണം