എത്ര മനോഹരമീ ഭൂമി...!
ഉസ്മാന്‍ പാലക്കാഴി
2018 ഡിസംബര്‍ 08 1440 റബീഉല്‍ അവ്വല്‍ 30
നമുക്ക് പാര്‍ക്കാന്‍ പറ്റും വിധമില്‍
നാഥന്‍ ഭൂമി പടച്ചില്ലേ?
വെളിച്ചമേകാന്‍, ഊര്‍ജം കിട്ടാന്‍
സൂര്യനെ റബ്ബ് പടച്ചില്ലേ?
രാത്രിയില്‍ നീല വെളിച്ചം വിതറും
ചന്ദ്രനെ മീതെ നിറുത്തീലേ?
ആകാശത്തെ നക്ഷത്രങ്ങള്‍
കൊണ്ടവന്‍ സുന്ദരമാക്കീലേ?
വെള്ളം കിട്ടാന്‍ വാനില്‍നിന്നും
മഴ വര്‍ഷിപ്പത് റബ്ബല്ലേ?
ചൂട്, തണുപ്പ്, മഞ്ഞും വെയിലും
തന്നരുളുന്നതുമവനല്ലേ?
സസ്യലതാതികള്‍ കൊണ്ടീ ഭൂമിയെ
പച്ചയണീച്ചതുമവനല്ലേ?
നീലക്കടലും പുഴയും തോടും
അരുവി പടച്ചതുമവനല്ലേ?
പലവര്‍ണത്തില്‍ പലവിധ പഴവും
പൂക്കള്‍, കായ്കള്‍ കാണ്‍മൂ നാം.
ദിനവും സൂര്യനുദിപ്പൂ, അതുപോല്‍
പതിവായ് പോയി മറയുന്നു.
സുന്ദരമാമീ കാഴ്ചകളൊക്കെ
എന്നും നമ്മള്‍ കാണുന്നു!
വായു, വെള്ളം, തീയും തണലും
എന്തൊരനുഗ്രഹമാണെന്നോ!
ഇതൊക്കെ നല്‍കിടുമല്ലാഹുവിനെ
മറന്നു ജീവിക്കല്ലെ നാം.
അവനെ മാത്രം ആരാധിക്കാം
പ്രാര്‍ഥന കേള്‍ക്കുന്നോനവനാം.
അത് മറ്റുള്ളോര്‍ക്കായിപ്പോയാല്‍
അക്രമമാണെന്നറിയേണം.