ആത്മവിചാരണ
മൊയ്തു ഉളിക്കല്‍
2018 ഏപ്രില്‍ 07 1439 റജബ് 20
ഇഹപര രഹസ്യങ്ങളറിയും മന്നാനേ
ഈമാനതില്‍ എന്നെ മരിപ്പിക്കണേ
മരണം വന്നണയുന്ന സമയമമെന്‍ നാവില്‍
മഹിതമാം ശഹാദത്ത് നിറച്ചിടണേ
മാനവരെല്ലാം വിയര്‍ക്കുമാ നാളില്‍
മാന്യമാം സ്ഥാനം നീ നല്‍കീടണേ
തെറ്റുകള്‍ കുറ്റങ്ങളേറെയുണ്ടെങ്കിലും
ഏറ്റവും കാരുണ്യമെന്നില്‍ ചൊരിയേണ
മാതാപിതാക്കളും മക്കളും തോഴരും
മറ്റുള്ളോരൊക്കെയും കൈവിടും നാളില്‍
നന്മതന്‍ ഗ്രന്ഥം വലംകൈയിലേന്തുവാന്‍
നാഥാ നീയനുഗ്രഹം നല്‍കിത്തുണക്കണേ
നന്മ തിന്മകള്‍ തൂക്കി നോക്കിടുമാ നാളില്‍
നന്മ തന്‍ തുലാസില്‍ കനംതൂങ്ങുവാനായ്
സല്‍ക്കര്‍മമേറെയും ചെയ്തുകൂട്ടീടുവാന്‍
സര്‍വാധിരാജാ നീ കരുണ ചെയ്തീടണേ
കത്തിജ്ജ്വലിക്കുന്ന നരകത്തിന്‍ മുന്നില്‍
മര്‍ത്ത്യ രഖിലം ഹാജരാക്കും നേരം
സ്വസ്ഥമാം സ്വര്‍ഗീയ വാസിയായ് മാറുവാന്‍
നാഥാ നിന്‍ കനിവെന്നില്‍ കനിഞ്ഞേകണേ.