ആ നേരവും കാത്ത്
സാദിഖ് ബിന് സലീം
2018 ഫെബ്രുവരി 03 1439 ജുമാദില് ഊല 17
കണ്ണില്നിന്നും മറഞ്ഞുള്ള ദൃശ്യങ്ങള്
കണ്ണാടിയില് പോല് തെളിയുന്നു വീണ്ടും
ബാല്യകാലത്തിന് കൗതുകക്കാഴ്ചകള്
ഓര്ത്തെടുക്കുമ്പോള് കുളിരുന്നുവെന് മനം
മുറ്റത്തു നില്ക്കുന്ന പൂക്കള്തന് വര്ണങ്ങള്
ഏറ്റം മനോഹരമായുള്ള കാഴ്ചകള്
കാറ്റൊന്നു മെല്ലെ തലോടുന്ന നേരം
മാറ്റൊന്നു കൂടി കൂടും ചെടിയുടെ
മാവിന്റെ കൊമ്പില് ചാഞ്ചാടി നില്ക്കുന്ന
മാമ്പഴം കാണുവാനെന്തു ചന്തം
പന്തുകെട്ടി കളിച്ചുല്ലസിച്ചു
കണ്ണു രണ്ടും കെട്ടിയും കളിച്ചു
ഉപ്പുകൂട്ടിത്തിന്നു പച്ചമാങ്ങ
ഇപ്പഴുമുണ്ടതിന് രുചി വായിലെന്റെ
പാടവരമ്പിലോടിയതും
പാറപ്പുറത്തുനിന്നാര്ത്തു വിളിച്ചതും
തോട്ടിലെ വെള്ളത്തില് നീന്തിത്തുടിച്ചതും
ഒക്കെയുമിന്നു ഞാനോര്ത്തിടുന്നു
കൗമാരവം പിന്നെ പാഞ്ഞുപോയി
കൗതുക ചിന്തകള് നല്കിക്കൊണ്ട്
ആരെയും കൂസാത്ത യൗവനവും
ആരോഗ്യവും കൊണ്ട് പോയ്മറഞ്ഞു
വാര്ധക്യമിന്നെന്റെ കൂട്ടുകാരന്
സര്വരോഗങ്ങളും പേറുന്നു ഞാന്
കോലായിലുള്ളൊരു ചാരുകസേരയില്
'ആ നേരവും' കാത്തു ഞാനിരിപ്പൂ...