വിശുദ്ധ മക്ക
അബ്ദുല്‍ അഹദ് മണലായ
2019 ജനുവരി 19 1440 ജുമാദല്‍ അവ്വല്‍ 13
അനുഗ്രഹമേറിയ നാട് മക്ക
അമ്പിയ രാജന്‍ പിറന്ന മക്ക
മുമ്പിബ്‌റാഹീമ് വന്ന മക്ക
ഇമ്പമാല്‍ ദീന് വളര്‍ന്ന മക്ക
ഉലകത്തിന്‍ കേന്ദ്രമായുണ്ടവിടെ
തലയെടുപ്പുള്ള വിശുദ്ധ ഗേഹം
ഏറെ സുരക്ഷിതമാണവിടം
ഏകന്റെ കാവലതുള്ള കേന്ദ്രം
ആനപ്പടയുമായ് വന്നൊരിക്കല്‍
കഅ്ബ തകര്‍ക്കുവാനബ്‌റഹത്ത്
അബാബീല്‍ പക്ഷിക്കൂട്ടങ്ങളാലെ
അല്ലാഹു പാടെ തകര്‍ത്തവരെ
സംസം എന്ന പുണ്യ തീര്‍ഥമുണ്ട്
മക്കയിലിന്നും ഒരത്ഭുതമായ്
ഹാജറാ ബീവിയും പൂമകനും
വന്നണഞ്ഞുള്ളൊരു പുണ്യനാട്
സ്വഫായും മര്‍വായും ഇന്നുമുണ്ട്
റബ്ബിന്റെ ചിഹ്നമായ് നില്‍പതുണ്ട്