ത്യാഗസ്മരണ
ഉസ്മാന് പാലക്കാഴി
2019 ആഗസ്ത് 17 1440 ദുല്ഹിജ്ജ 16
((രീതി: അഹദോന്റെ തിരുനാമം)
അഹദോന്റെ തിരുകല്പന നടപ്പിലാക്കിടുവാനായ്
പിതാവും പൂമകനുമന്നൊരുക്കമായി-റബ്ബിന്
തിരുമുമ്പില് സമര്പ്പിക്കാന് തിടുക്കമായേ
പതിറ്റാണ്ടുകള് കാത്തു കാത്തിരുന്നിട്ടവസാനം
കനിഞ്ഞേകിയ പൂമകനെ ബലി നല്കുവാന്-തന്നില്
ഒരുദിനം ഇലാഹിന്റെ വിധിയെത്തിയേ
കനിമോനെ വിൡക്കുന്നു ഖലീലുല്ല പറയുന്നു
ബലി നല്കാന് ഇലാഹിന്റെ വിധിയുണ്ടല്ലോ-നിന്റെ
അഭിപ്രായം പറയൂ നീ അരുമ മോനേ
ഇലാഹിന്റെ വിധിയെങ്കില് ബലിയാകാനൊരുക്കം ഞാന്
ക്ഷമാലുവായ് പ്രിയ ബാപ്പാക്കിവനെ കാണാം-റബ്ബിന്
പൊരുത്തം നേടിടുവാനായ് അറുക്കു ബാപ്പാ
ഇരുപേരും നടക്കുന്നു മിനായില് ചെന്നണയുന്നു
ചിതറാത്ത മനത്താലെ ദുആ ചെയ്യുന്നു-നാളെ
സുബര്ക്കത്തില് കടക്കാനായ് കൊതിച്ചീടുന്നു
ഇസ്മാഈല് കിടക്കുന്നു പതറാതെ പിതാവതാ
കനിമോന്റെ കഴുത്തിലായ് കത്തിവെക്കുന്നു-ഇബ്റാഹീം
നബിയപ്പോള് പറയുന്നു ബിസ്മില്ലാഹി
അതാ ആ സമയം ഒരശരീരി മുഴങ്ങുന്നു
ഇബ്റാഹീം വിജയിച്ചു പരീക്ഷണത്തില്- മകനെ
ഒഴിവാക്കി മൃഗത്തെ നീ ബലിയറുക്കൂ