കടല്‍
അബൂഫായിദ
2019 ഒക്ടോബര്‍ 12 1441 സഫര്‍ 13
കടലില്‍ തിരകള്‍ പൊങ്ങുന്നു
കരയില്‍ വന്നവ വീഴുന്നു
ഉടനെ തിരികെ പോകുന്നു
വീണ്ടും വന്നവ മറിയുന്നു
കടലൊരു അത്ഭുതമാണല്ലോ
കാണാന്‍ കൗതുകമാണല്ലോ
ആഴം പറയാനില്ലല്ലോ
അത്രയുമധികം ആണല്ലോ
ചന്തം തോന്നും കാണുമ്പോള്‍
ചിന്തിക്കുമ്പോള്‍ ഭയമാണേ
മീനുകളനവധിയുണ്ടല്ലോ
എണ്ണാന്‍ കഴിയുകയില്ലല്ലോ
വമ്പന്‍ സ്രാവുകളുണ്ടല്ലോ
ഭീമന്‍ തിമിംഗലമതിലല്ലോ
അസ്തമയത്തിന്‍ നേരത്ത്
നിന്നാല്‍ കടലിന്‍ തീരത്ത്
കാണാം സുന്ദരമാം കാഴ്ച
പലവര്‍ണത്തിന്‍ നേര്‍കാഴ്ച