ആരെന്ന് പറയാമോ?
ശരീഫ് കാര
2019 ഡിസംബര്‍ 07 1441 റബിഉല്‍ ആഖിര്‍ 10
കുഞ്ഞിക്കിളിയേ കുഞ്ഞിക്കിളിയേ ചൊല്ലാമോ
കൗതുകമേറും വര്‍ണം തന്നവനാരാണ്?
പാടാം ഞാന്‍ പറയാം ഞാന്‍
അവനാണവനാണല്ലാഹു
അവനാണേകന്‍ അല്ലാഹു!
പൂവേ പൂന്തേന്‍ നല്‍കും പൂവേ ചൊല്ലാമോ
നിന്നില്‍ മധുരത്തേന് നിറച്ചവനാരാണ്?
പാടാം ഞാന്‍ പറയാം ഞാന്‍
അവനാണവനാണല്ലാഹു
അവനാണേകന്‍ അല്ലാഹു!
കളകള നാദമിലൊഴുകും പുഴയേ ചൊല്ലാമോ
നിന്നില്‍ നിറയെ വെള്ളം തീര്‍ത്തവനാരാണ്?
പാടാം ഞാന്‍ പറയാം ഞാന്‍
അവനാണവാനാണല്ലാഹു
അവനാണേകന്‍ അല്ലാഹു!
വെയിലും ചൂടും നല്‍കും സൂര്യാ ചൊല്ലാമോ
വിണ്ണില്‍ നിന്നെ സ്ഥാപിച്ചുള്ളവനാരാണ്?
പാടാം ഞാന്‍ പറയാം ഞാന്‍
അവനാണവനാണല്ലാഹു
അവനാണേകന്‍ അല്ലാഹു!
തണലും കായും നല്‍കും മരമേ ചൊല്ലാമോ
മധുരപ്പഴമതു നിന്നില്‍ തന്നവനാരാണ്?
പാടാം ഞാന്‍ പറയാം ഞാന്‍
അവനാണവനാണല്ലാഹു
അവനാണേകന്‍ അല്ലാഹു!