സൗഹാര്ദം തെറ്റാകുന്നതെങ്ങനെ?
പ്രൊഫ: ഹാരിസ്ബിന് സലീം
2017 ഡിസംബർ 09 1439 റബിഉല് അവ്വല് 20
ഹയര് സെക്കന്ററി വിദ്യാര്ഥി സമ്മേളനത്തില് ഒരു വദ്യാര്ഥി ചോദിച്ച ചോദ്യമാണിത്. അന്യ സ്ത്രീ പുരുഷന്മാര് തമ്മിലുള്ള അവിഹിത ബന്ധങ്ങള് തെറ്റാണെന്ന് മനസ്സിലാക്കുവാന് കഴിയാത്ത പുതുതലമുറയുടെ മനസ്സ് നമ്മെ ആശങ്കപ്പെടുത്തുന്നു. ഈ ചോദ്യം ചോദിക്കുന്ന സുഹൃത്തിന് ചെറിയൊരു ചിന്തയിലൂടെ മനസ്സിലാക്കാവുന്ന കാര്യമെ ഇതിലുള്ളൂ. തന്റെ സഹോദരിയുമായി അവളുടെ ക്ലാസ്സില് പഠിക്കുന്ന ഒരാണ്കുട്ടി സൗഹൃദം സ്ഥാപിക്കുകയും നിരന്തരം അവള്ക്ക് മെസ്സേജ് അയക്കുകയും കൂടെ ക്കൂടുകയും ചെയ്താല് അതൊരു സൗഹൃദമല്ലേ എന്നു പറഞ്ഞ് അവഗണിക്കാനാകുമോ?
എല്ലാ അവിഹിത ബന്ധങ്ങളുടെയും തുടക്കം കേവല സൗഹാര്ദങ്ങളാണ്. അതാണ് പിന്നീട് വേര്പിരിയാനാവാത്ത ബന്ധങ്ങളും മാതാപിതാക്കളെയും മതത്തെും അവഗണിച്ച വിവാഹങ്ങളുമായി പരിണമിക്കുന്നത്. ഭൗതിക ജീവിത്തിലെ ഏറ്റവും വലിയ സന്തോഷവും ഇഹപര ജീവിതത്തിലെ പങ്കാളിയെ കണ്ടെത്താനുമുള്ള വിവാഹം കേവലം പരസ്പരം കണ്ടപ്പോഴുള്ള നെമിഷിക താല്പര്യത്തില്നിന്നും അവിഹിത ബന്ധത്തില്നിന്നും തുടങ്ങേണ്ടതാണോ? ഇത്തരം അവിഹിത ബന്ധങ്ങളുടെ ദുരന്തങ്ങളില് ചിലത് ഇവിടെ സൂചിപ്പിക്കട്ടെ.
1. പ്രേമിക്കുന്നവരോടുള്ള സ്നേഹം ശക്തമാവുമ്പോള് അത് ശരീരത്തെയും മനസ്സിനെയും പ്രതികൂലമായി ബാധിക്കുന്നു. ചിലര് മാനസിക രോഗികളാകുന്നു. ഒരു സ്ത്രീയുടെ അവിഹിതബന്ധം ഭര്ത്താവ് കണ്ടുപിടിക്കുകയും ഫോണ് ബലമായി പിടിച്ചു വാങ്ങുകയും ചെയ്തു. ഫോണ് ആവശ്യപ്പെട്ട് അവള് കടുത്ത ഒരു മാനസിക രോഗിയെ പോലെയാണ് ഇപ്പോള് പെരുമാറുന്നത്.
2. വിശ്വാസിയല്ലാത്ത ഒരാളുമായുള്ള പ്രേമം അവിശ്വാസത്തിലേക്ക് നയിച്ചേക്കാം.
3. കമിതാക്കളുടെ വിവാഹത്തിന് മാതാപിതാക്കള് എതിരാകുമ്പോള് അവരെ നിരാകരിക്കേണ്ടി വരുന്നു. അതാകട്ടെ മഹാപാപവുമാണ്.
4. അവിഹിത ബന്ധമായതിനാല് ചതിക്കപ്പെടാനള്ള സാധ്യത കൂടുതലാണ്.
5. പ്രേമവിവാഹങ്ങളില് സംശയരോഗത്തിന്റെ സാധ്യത കൂടുതലാണ്.
6. പ്രേമനൈരാശ്യം ആത്മഹത്യയിലേക്കും പ്രേമപരാജയം കൊലപാതകത്തിലേക്കുമെത്താം.
7. സുരക്ഷിതത്വവും വിശ്വാസ്യതയും സമാധാനവുമുള്ള ഒരു കുടുംബ ജീവിതം നഷ്ടപ്പെടുന്നു.
8. അഭിമാനവും അന്തസ്സും നഷ്ടമാവുന്നു.
9. പ്രേമിക്കുന്ന വ്യക്തിക്ക് തന്റെ സുഹൃത്തിനെക്കുറിച്ച് ചിന്തിക്കാനല്ലാതെ മറ്റൊരു ചിന്തക്കും കഴിയാതെ വരുന്നു.
ഇത് ഇത്രയധികം പ്രത്യാഘാതങ്ങളുള്ള ഒരു തെറ്റാണെന്ന് മനസ്സിലാക്കാന് കഴിയാത്ത കൗമാര പ്രായക്കാരുടെയും ചില മാതാപിതാക്കളുടെയും മനസ്സ് നമ്മെ ഭയപ്പെടുത്തുന്നു.
അവിഹിത ബന്ധങ്ങളുടെ എണ്ണം വര്ധിച്ചു വരികയാണ്. ഇതിന്റെ കാരണങ്ങളും വിശകലനം ചെയ്യേണ്ടതുണ്ട്. പെണ്കുട്ടികളുടെ വേഷം, സ്ംസാരം എന്നിവയ്ക്ക് ഇതില് വലിയ പങ്കുണ്ട്. മഹ്റമല്ലാത്ത (അന്യരായ) പുരുഷന്മാരോട്, പ്രത്യേകിച്ചും ക്ലാസ്സില് പഠിക്കുന്ന ആണ്കുട്ടികളോട് സ്വന്തം സഹോദരങ്ങളോട് പെരുമാറുന്ന പോലെയാണ് പല പെണ്കുട്ടികളുടെയും പെരുമാറ്റം.
വീട്ടിലെ സാഹചര്യവും മാതാപിതാക്കളുടെ പെരുമാറ്റവുമെല്ലാം കാരണങ്ങളായി വരാം. പ്രായത്തിനനുസരിച്ച മതബോധം തന്നെയാണ് ശരിയായ പരിഹാരം.