വധശിക്ഷയും മനുഷ്യാവകാശവും

ഉസ്മാന്‍ പാലക്കാഴി

2017 ഏപ്രില്‍ 28നും മെയ് 5നും ഇന്ത്യയുടെ പരമോന്നത നീതിപീഠമായ സുപ്രീം കോടതി പ്രമാദമായ രണ്ട് കേസുകളില്‍ പ്രഖ്യാപിച്ച ഉത്തരവ് സമ്മിശ്ര പ്രതികരണങ്ങളാണ് സമൂഹത്തിലുണ്ടാക്കിയത്. ഒന്ന് സൗമ്യ വധക്കേസില്‍ പ്രതി ഗോവിന്ദച്ചാമിയുടെ വധശിക്ഷ റദ്ദാക്കിയതിലെ പിഴവു തിരുത്തണമെന്ന സംസ്ഥാന സര്‍ക്കാരിന്റെ ആവശ്യം തള്ളിക്കൊണ്ടുള്ള ഉത്തരവാണ്. രണ്ടാമത്തേത് നിര്‍ഭയ കേസില്‍ നാല് പ്രതികള്‍ക്ക് വിചാരണ കോടതി നല്‍കിയ വധശിക്ഷ ശരിവച്ചുകൊണ്ടുള്ള ഉത്തരവും. 'സുപ്രീം കോടതി തീരുമാനത്തില്‍ ഗോവിന്ദച്ചാമിക്ക് തൂക്കുകയര്‍ പ്രതീക്ഷിച്ചിരുന്നു. ഇപ്പോള്‍ വലിയ ദുഃഖമുണ്ട്. മകളുടെ ഘാതകനെ കഴുമരത്തിലേറ്റാന്‍ ഏതറ്റംവരെയും പോകും' എന്നായിരുന്നു സൗമ്യയുടെ അമ്മയുടെ പ്രതികരണമെങ്കില്‍ 'തങ്ങള്‍ക്കിനി ഉറങ്ങാന്‍ കഴിയു'മെന്നാണ് നിര്‍ഭയയുടെ മാതാപിതാക്കള്‍ പ്രതികരിച്ചത്.

2017 മെയ് 13 1438 ശഅബാന്‍ 16