2019 ആഗസ്ത് 31 1440 ദുല്‍ഹിജ്ജ 29

പ്രളയം ബാക്കിവെച്ച തിരിച്ചറിവുകള്‍

നബീല്‍ പയ്യോളി

ആണ്ടുതോറും അയല്‍സംസ്ഥാനങ്ങളില്‍ നിന്ന് കേട്ടുകൊണ്ടിരുന്ന പ്രളയ കദനങ്ങളിലേക്ക് കേരളത്തിന്റെ പേര് കൂടി ചേര്‍ത്തപ്പെട്ടിരിക്കുന്നു. കേരളം മറക്കാനാഗ്രഹിക്കുന്ന 2018ലെ പ്രളയക്കെടുതികള്‍ തീര്‍ന്നുകൊണ്ടിരിക്കുന്ന ഘട്ടത്തിലാണ് വീണ്ടുമൊരു മഹാപ്രളയത്തിലേക്ക് കേരളം കാലെടുത്ത് വെച്ചത്. പ്രളയക്കെടുതിക്കെതിരെ തീര്‍ത്ത ഭൗതിക പ്രതിരോധത്തിലേറെ മലയാളികളെ ഇരുത്തിച്ചിന്തിപ്പിച്ചത് ഈ സമയത്ത് നാം കൈക്കൊണ്ട സഹകരണ മനോഭാവത്തെയാണ്. നഷ്ടങ്ങളുടെ കണക്കുപുസ്തകത്തില്‍ മാനവികതയുടെ ഈ സുന്ദര വചനങ്ങള്‍ കൂടി എഴുതിച്ചേര്‍ക്കുമ്പോഴേ കണക്കെടുപ്പ് പൂര്‍ത്തിയാവൂ.