2019 ജൂലായ് 27 1440 ദുല്‍ക്വഅദ് 24

മദ്യപിച്ച് നശിക്കുന്ന മനുഷ്യരും മദ്യംവിറ്റ് പണമുണ്ടാക്കുന്ന സര്‍ക്കാറും

നബീല്‍ പയ്യോളി

ലഹരിവസ്തുക്കള്‍ വരുത്തിവെക്കുന്ന സാമൂഹ്യവിപത്തിന്റെ വ്യാപ്തി അറിയാത്തവരല്ല പ്രബുദ്ധ കേരളക്കാര്‍. എന്നിട്ടും നമ്മുടെ നാട്ടില്‍ കള്ള് വകുപ്പും ആ വകുപ്പിനൊരു മന്ത്രിയുമുണ്ട്. സ്വദേശ, വിദേശ മദ്യഷാപ്പുകളും നാടന്‍ കള്ളുഷാപ്പുകളും നമ്മുടെ സര്‍ക്കാരിന്റെ ആശിര്‍വാദത്തോടെ ആളുകളെ ഇഞ്ചിഞ്ചായി കൊന്നുകൊണ്ടിരിക്കുന്നു. മദ്യവിരുദ്ധ സമിതികളുടെ പ്രവര്‍ത്തകരുടെ സ്വരം ഭരണകൂടത്തിന്റെ ബധിരകര്‍ണങ്ങളില്‍ പതിക്കാറില്ല. സമ്പൂര്‍ണ മദ്യനിരോധനം അസാധ്യമാണോ?