2019 ജൂണ്‍ 29 1440 ശവ്വാല്‍ 26

ക്വുര്‍ആനും പൂര്‍വ വേദങ്ങളും മിഷണറി സാഹിത്യങ്ങളിലെ മിഥ്യകളും

ഉസ്മാന്‍ പാലക്കാഴി

വ്യത്യസ്ത ദേശങ്ങളിലേക്കും സമൂഹങ്ങളിലേക്കുമായി നിരവധി പ്രവാചകന്മാര്‍ നിയോഗിതരായിട്ടുണ്ട്. അവരില്‍ പലര്‍ക്കും വേദഗ്രന്ഥങ്ങള്‍ നല്‍കപ്പെട്ടിട്ടുമുണ്ട്. എന്നാല്‍ സ്വാര്‍ഥ താല്‍പര്യക്കാരുടെകൈക്രിയകള്‍ നിമിത്തം പലതിലും പുതിയ ആശയങ്ങള്‍ കടത്തിക്കൂട്ടപ്പെടുകയും നിലവിലുള്ളത് നശിപ്പിക്കപ്പെടുകയും ചെയ്തു. മുന്‍ വേദഗ്രന്ഥങ്ങളിലെ മുഴുവന്‍ പ്രശ്‌നങ്ങളും പരിഹരിച്ചു കൊണ്ടും ലോകര്‍ക്ക് മുഴുവന്‍ മാര്‍ഗദര്‍ശനം നല്‍കിക്കൊണ്ടുമാണ് ക്വുര്‍ആന്‍ അവതീര്‍ണമായത്. എന്നാല്‍ ക്വുര്‍ആന്‍ പൂര്‍ണമല്ലെന്നും അത് മറ്റുള്ള വേദഗ്രന്ഥങ്ങളിലെ വികല ആശയങ്ങളെ സത്യപ്പെടുത്തുന്നുവെന്നുമുള്ള ധാരണ പരത്തുന്ന മിഷണറി രചനകള്‍ ദുരുപദിഷ്ടിതവും സത്യത്തിന് നിരക്കാത്തതമാണ്.