2024 ജൂലായ് 27, 1446 മുഹർറം 21

ഷിരൂർ ദുരന്തം നൽകുന്ന പാഠങ്ങൾ

സുഫ്‌യാൻ അബ്‌ദുസ്സലാം

മനുഷ്യന്റെ നിസ്സഹായത ആവർത്തിച്ച് വ്യക്തമാക്കുന്നതാണ് കർണാടകയിലെ ഷിരൂരിലെ മലയിടിച്ചിലും കോഴിക്കോട് സ്വദേശിയടക്കമുള്ളവരുടെ തിരോധാനവും. പുരോഗതിയുടെയും സാങ്കേതികവിദ്യയുടെയും ഉന്നതപടവുകൾ ചവിട്ടിക്കയറുമ്പോഴും നിനക്കാതെ കടന്നുവരുന്ന പ്രകൃതിദുരന്തങ്ങളിൽ മനുഷ്യർ അസ്തപ്രജ്ഞരാകുന്ന അവസ്ഥ കണ്ണുതുറപ്പിക്കേണ്ടതാണ്. ദുരിതപ്പെയ്ത്തിനിടയിലും കൈയും മെയ്യും മറന്ന് കർമഗോദയിലേക്കിറങ്ങുന്ന മാനവികബോധം നഷ്ടമാകാതിരിക്കട്ടെ.