പൂക്കാലം വന്നേ...!
ഉസ്മാന്‍ പാലക്കാഴി
2021 ജനുവരി 02 1442 ജുമാദല്‍ അവ്വല്‍ 18
പൂക്കാലം വന്നേ...!
ഉസ്മാന്‍ പാലക്കാഴി
പൂക്കാലം വന്നുകഴിഞ്ഞു-എങ്ങും
പൂക്കള്‍ ചിരിച്ചു തുടങ്ങി.
കോവിഡുവന്നതില്‍ പിന്നെ-നമ്മള്‍
ചെടികള്‍ക്കു പിന്നാലെ കൂടി.
മുറ്റത്തു നിരനിരയായി-ചെടി-
ച്ചട്ടികള്‍ കാണുവാനായി.
മുറ്റത്തുമാത്രമല്ലിന്നു-പല
വീടുകള്‍ക്കുള്ളിലും കാണാം.
പലവര്‍ണമുള്ള ഇലകള്‍-കണ്ടാല്‍
പൂക്കളെക്കാളെന്തു ഭംഗി!
കരളിലും പൂക്കള്‍ വിരിയും-കണ്ടാല്‍
ആനന്ദമേകുമിക്കാഴ്ച!
എന്തെല്ലാം ഏതെല്ലാം പൂക്കള്‍-കൊച്ചു
തുമ്പ മുതല്‍ പനിനീരും,
ജമന്തിയും മല്ലികയും-ശംഖു
പുഷ്പവും തെച്ചിയുമുണ്ട്.
പലപല വര്‍ണമെഴുമീ-പൂക്കള്‍
ആരാണിതിന്‍ കലാകാരന്‍?
എന്തൊരു സൗരഭ്യേമറും പൂക്കള്‍
ആരിതിന്‍ പിന്നിലെ ശക്തി?
ഏകനാം ദൈവമാണല്ലോ-എല്ലാം
സൃഷ്ടിക്കുമക്കലാകാരന്‍!