ബാപ്പ
അബൂവാഫി
2021 സെപ്തംബര്‍ 18 1442 സഫര്‍ 11
വീടിന്‍ വെളിച്ചവും താങ്ങും തണലുമായ്
സന്തോഷമേകിടും പൊന്നു ബാപ്പ.
വീഴ്ചകള്‍ മക്കളെ വീഴ്ത്താതിരിക്കുവാന
ആജ്ഞകള്‍ നല്‍കും കെടാവിളക്ക്.
പിണങ്ങിയാല്‍ പെട്ടെന്നിണക്കിടും പിന്നെ
പലപല കഥകള്‍ പറഞ്ഞുറക്കും.
സ്വായത്തമാക്കേണ്ട സദ്ഗുണമെല്ലാം
പഠിപ്പിച്ചു നല്‍കുന്നു പൊന്നു ബാപ്പ.
സൂര്യന്‍ ഉദിക്കുന്ന വേളയില്‍തന്നെ
ജോലിക്കു പതിവായി പോയിടുന്നു.
വീടിന്‍ വെളിച്ചമാണെന്നുമെന്‍ ബാപ്പ
വീടിന്റെ സന്തോഷമാണു ബാപ്പ.
ബുദ്ധിമുട്ടെല്ലാം സഹിക്കുന്നു ബാപ്പ
സ്വന്തം കുടുംബത്തിനായി എന്നും.
വിഷമങ്ങളെല്ലാം സഹിക്കുവാനായി
ഉപദേശം നല്‍കിടാറുണ്ട് ബാപ്പ.
ദീനിന്റെ മാര്‍ഗത്തിലെന്നും ചരിക്കാന്‍
കര്‍ശന നിര്‍ദേശം നല്‍കിടുന്നു.