മാതൃകയാവുക
ഉസ്മാന്‍ പാലക്കാഴി
2021 ജനുവരി 23 1442 ജുമാദല്‍ ആഖിറ 10
കാരുണ്യത്തിന്റെ കടലാണ് പടച്ചോന്‍
കാര്യങ്ങള്‍ മര്‍ത്യാ നന്നായി ഗ്രഹിച്ചോ
കുറ്റങ്ങള്‍ ചെയ്യാത്തോനായി ജീവിച്ചോ
കുറ്റം ചെയ്താലുടന്‍ നീ മാപ്പു ചോദിച്ചോ
തിന്മയുടെ കൂരിരുള്‍ പരന്ന ലോകമാം
നന്മ തന്‍ വെളിച്ചമേകൂ എന്ന് തേടിടാം
ഉള്ളിലായ് വേണമുണ്‍മ എന്നുമോര്‍ത്തിടാം
കള്ളവും ചതി മനസ്സില്‍നിന്നുമകറ്റാം
ഇച്ഛയെ നീ പിന്തുടര്‍ന്നാല്‍ പാപിയായിടും
മ്ലേഛനായി മാറി നാട്ടിലാകെയോടിടും
തുച്ഛമാണീ ആയുസ്സെന്ന കാര്യമോര്‍ത്തിടൂ
മെച്ചമുള്ള കര്‍മമിവിടെ ബാക്കിയാക്കിടൂ
അഹന്തവിട്ട് വിനയമുള്ള മര്‍ത്യനായിടാം
ഇഹപരത്തിന്‍ നന്മ നേടി വിജയിയായിടാം
സഹനശീലം ജീവിതത്തിന്‍ ഭാഗമാക്കിടാം
സഹജരുടെ വേദനയില്‍ പങ്കുചേര്‍ന്നിടാം
സത്യദീനിനുത്തമമാം മാര്‍ഗെ നീങ്ങിടാം
സത്യസന്ധരായി വാണു മരണം പുല്‍കിടാം
മുത്ത് റസൂലിന്റെ മാര്‍ഗം നാം തുടര്‍ന്നിടാം
നിത്യജീവിതത്തിലത് നാം പകര്‍ത്തിടാം.