2022 ആഗസ്റ്റ് 27, 1442 മുഹർറം 28

മുസ്‌ലിം പെൺകുട്ടികളും വിദ്യാഭ്യാസ അവകാശ നിഷേധവും

മുജീബ് ഒട്ടുമ്മൽ

സർഗാത്മകതയുടെയും സഹിഷ്ണുതയുടെയും സംഗമഭൂമി എന്ന, ക്യാമ്പസിനെ കുറിച്ചുള്ള വായ്ത്താരിയുടെ ആയുസ്സ് ഇനി കണ്ടറിയുകതന്നെ വേണം. ഹിജാബ് നിരോധനം മുതൽ പോൺ ജിഹാദ് വരെ എത്തിനിൽക്കുന്ന സംഘ്പരിവാർ അസംബന്ധങ്ങളുടെ വിഹാരഭൂമിയാക്കി കലാലയങ്ങളെ മാറ്റിയെടുക്കാനുള്ള ശ്രമങ്ങൾക്ക് തിടംവെച്ച് കൊടുക്കുന്നത് ഉത്തരവാദപ്പെട്ടവർ തന്നെയാണ്. അതിന്റെ അനന്തരഫലമാവട്ടെ, ഒരു പ്രത്യേക മതവിഭാഗത്തിലെ വിദ്യാർഥിനികളുടെ വ്യാപകമായ കൊഴിഞ്ഞുപോക്കും അതിലൂടെയുണ്ടായേക്കാവുന്ന സാമുദായിക അരികുവൽക്കരണവുമാണ്. അതുതന്നെയാണ് വിവാദമുണ്ടാക്കുന്നവരുടെ ലക്ഷ്യവും.