2024 മാർച്ച് 02, 1445 ശഅ്ബാൻ 21

കർഷക സമരം:
ഇനിയെങ്കിലും നിശ്ശബ്ദത വെടിയുക

മുജീബ് ഒട്ടുമ്മൽ

ഒരിക്കൽ കൂടി സമരത്തിനിറങ്ങിയിരിക്കുകയാണ്‌ കർഷകർ. ‘രാജ്യത്തിന്റെ അന്നദാതാക്കൾ’ എന്ന് ആവർത്തിച്ചാണയിടുമ്പോഴും അന്നന്നത്തെ അരിക്ക് ആവശ്യമുന്നയിക്കുന്നവരെ തെരുവിൽ നേരിടാനുറച്ച് തന്നെയാണ്‌ ഭരണകൂടം മുന്നോട്ടുപോകുന്നത്. കോർപ്പറേറ്റുകളിൽ നിന്ന് പണം പറ്റുകയും അവർക്കനുകൂലമായി നിയമം നിർമിക്കുകയും ചെയ്തവർക്ക് മണ്ണിൽ പൊന്ന് വിളയിക്കുന്നവരുടെ വേദന മനസ്സിലാവുകയില്ല. ഭരണാധിപരും ഭരണീയരും ഒരേ മനസ്സോടെ ജീവിക്കുന്ന നാടുകളിൽ മാത്രമെ സമാധാനം നിലനിൽക്കൂ.