2022 നവംബർ 05, 1444 റബീഉൽ ആഖിർ 10

പാഠ്യപദ്ധതി പരിഷ്‌കരണത്തിലെ ഒളിയജണ്ടകൾ

അബൂഹാസിം

സ്കൂൾ പാഠ്യപദ്ധതി പരിഷ്കരണവുമായി ബന്ധപ്പെട്ട് പൊതുജനാഭിപ്രായം രൂപീകരിക്കുന്നതിനായി സർക്കാർ മുന്നോട്ടുവെച്ച നടപടികൾ ഏറെ സ്വാഗതാർഹമാണ്. എന്നാൽ സാമൂഹികവും സാംസ്കാരികവും ധാർമികവുമായ മൂല്യച്യുതിയ്ക്ക് കാരണമാകുന്നതും ഗുരുതരമായ പ്രത്യാഘാതങ്ങൾ വിളിച്ചുവരുത്താനിടയുള്ളതുമായ ലിബറൽ ചിന്താഗതികളെ പ്രോത്സാഹിപ്പിക്കുന്ന ആശയങ്ങൾ പ്രയോഗവൽക്കരിക്കാനുള്ള ആയുധങ്ങളാക്കി പാഠപുസ്തകങ്ങളെ മാറ്റാനുള്ള നിർദേശങ്ങൾ പരിഷ്കൃത സമൂഹത്തിന് ചേർന്നതല്ല.