2026 സെപ്തംബർ 12, 1448 റബീഉൽ ആഖിർ 01

പടവാളും തൂലികയും: രാജ്യങ്ങളുടെയും രചനകളുടെയും ചരിത്രവഴികൾ

ഡോ. ഇ. യൂസുഫ് സാഹിബ് നദ്‌വി ഓച്ചിറ

പടവാളും തൂലികയും: രാജ്യങ്ങളുടെയും രചനകളുടെയും ചരിത്രവഴികൾ ചരിത്രത്തിന്റെ ഏടുകളിൽ സാമ്രാജ്യങ്ങളുടെ ഉദയാസ്തമയങ്ങൾ ആയുധങ്ങളുടെ മൂർച്ചയെ മാത്രം ആശ്രയിച്ചായിരുന്നില്ല. വാൾ മനുഷ്യരിൽ താൽക്കാലികമായ ഭയം സൃഷ്ടിക്കുമ്പോൾ, തൂലിക തലമുറകളിൽ ശാശ്വതമായ പ്രബുദ്ധതയുംചിന്താവിപ്ലവവുമാണ് നിർമിച്ചുകൊണ്ടിരിക്കുന്നത്. വാൾ ഒരൊറ്റ ശരീരത്തിൽ മാത്രം പ്രവർത്തിക്കുമ്പോൾ, തൂലിക വരാനിരിക്കുന്ന അനേകം തലമുറകളിലേക്ക് ആഴത്തിൽ തുളച്ചുകയ റുന്നു. അതെ, എഴുത്തുകാരൻ തന്റെ പേന കയ്യിലെടുക്കുമ്പോൾ കോട്ടകൾ കീഴടക്കുന്ന യോദ്ധാവിനെക്കാൾ വലിയ ഉത്തരവാദിത്തമാണ് നിർവഹിക്കുന്നത്.