നേര്‍പഥം വാരിക സംഘടിപ്പിച്ച വീക്ക്‌ലി ഓണ്‍ലൈന്‍ ക്വിസ് അവസാനിച്ചു. പങ്കെടുത്ത മത്സരങ്ങളില്‍ നേടിയ ശരിയുത്തരങ്ങളെ അടിസ്ഥാനമാക്കി ഏറ്റവും കൂടുതല്‍ പോയിന്റ് ലഭിച്ച മത്സരാര്‍ഥികളെ ഉള്‍പ്പെടുത്തി ഡിസംബര്‍ 19ന് ഓണ്‍ലൈന്‍ പ്രീ മെഗാ ക്വിസ് നടത്തും.
കഴിഞ്ഞ പത്തൊന്‍പത് ലക്കങ്ങളായി നടന്നു വരുന്ന വീക്ക്‌ലി ക്വിസില്‍ 80 ശതമാനം മാര്‍ക്ക് നേടിയവരാണ് പ്രീ മെഗാ ക്വിസിലേക്ക് യോഗ്യത നേടിയിരിക്കുന്നത്.
യോഗ്യത നേടിയവരുടെ പേര് വിവരങ്ങള്‍ വെബ്‌സൈറ്റിലും സമീല്‍ ആപ്പിലും ലഭ്യമാണ്.
ആഗസ്ത് 1 മുതല്‍ ഡിസംബര്‍ 5 വരെയുള്ള 19 ലക്കങ്ങളിലെ ലേഖനങ്ങളാണ് പ്രീ മെഗാ ക്വിസിന് പരിഗണിക്കുക.
മുന്‍ മത്സരങ്ങളിലെ അതേ രീതിയിൽ തന്നെ ആണ് പ്രീ മെഗാ ക്വിസ് നടക്കുക. സമീൽ ആപ്പിലെ സംവിധാനം തന്നെ ആണ് ഉപയോഗിക്കേണ്ടത്. 19 ലക്കങ്ങളിലായി നടന്ന മത്സരങ്ങളിൽ 80% മാർക്ക് നേടിയവർക്ക് മാത്രമായിരിക്കും പ്രീ മെഗാ ക്വിസിൽ അവസരം.
ഒബ്ജക്ടീവ് മാതൃകയിലുള്ള 40 ചോദ്യങ്ങളാണ് മെഗാക്വിസില്‍ ഉണ്ടാവുക. വീഡിയോ, ഇമേജ് ഫയലുകളും ചോദ്യത്തിന് ഉപയോഗിക്കും.
പ്രീ മെഗാ ക്വിസ് 19.12.2020 വൈകുന്നേരം 8 മണി മുതൽ 9.30 വരെയാണ് നടക്കുക.
ഉത്തരമെഴുതാനുള്ള സമയം പരമാവധി ഒന്നര മണിക്കൂര്‍. മത്സരം തുടങ്ങി, ഒന്നര മണിക്കൂറിന് ശേഷം ഉത്തരങ്ങള്‍ ഓട്ടോ സബ്മിറ്റ് ചെയ്യുന്ന രൂപത്തിലാണ് ക്രമീകരിച്ചിരിക്കുന്നത്.
പ്രീ മെഗാ ക്വിസില്‍ ഏറ്റവും കൂടുതല്‍ മാര്‍ക്ക് നേടിയ 6 പേരെ വെച്ച് ഡിസംബര്‍ 27ന് മെഗാ ക്വിസ് മത്സരം നടത്തി ആദ്യ സ്ഥാനക്കാരെ കണ്ടെത്തും.
ആദ്യ ആറ് സ്ഥാനക്കാരെ കണ്ടെത്താനുള്ള മത്സരത്തില്‍ തുല്യത പാലിച്ചാല്‍ പ്രത്യേക പരിഗണന നൽകിയ ചോദ്യങ്ങൾക്ക് (സ്റ്റാര്‍ ക്വസ്റ്റ്യന്‍സ്) ലഭിച്ച മാര്‍ക്കും, അതിലും തുല്യത പാലിച്ചാല്‍ സബ്മിറ്റ് ചെയ്ത സമയവും പരിഗണിച്ച് വിജയികളെ കണ്ടെത്തും.
മെഗാ ക്വിസ് മത്സരത്തില്‍ പ്രേക്ഷകര്‍ക്ക് പങ്കെടുക്കാനും സമ്മാനം കരസ്ഥമാക്കാനും അവസരമുണ്ടായിരിക്കും.
മെഗാ മത്സരത്തിലെ ഒന്നാം സമ്മാനം ലാപ്‌ടോപ്പും രണ്ടാം സമ്മാനം ടാബും മൂന്നാം സമ്മാനം മൊബൈല്‍ ഫോണുമായിരിക്കും.
ആദ്യ മൂന്ന് സ്ഥാനക്കാര്‍ക്ക് പുറമെ നല്‍കുന്ന 10 പ്രോത്സാഹന സമ്മാനങ്ങള്‍ക്ക് അര്‍ഹരായവരെ തെരഞ്ഞെടുക്കുന്നതിന് പ്രീ മെഗാ ക്വിസിലെ മാര്‍ക്കാണ് പരിഗണിക്കുന്നത്.
മത്സരങ്ങളെ കുറിച്ചുള്ള അന്തിമ തീരുമാനം നേര്‍പഥം ക്വിസ് കമ്മിറ്റിയില്‍ നിക്ഷിപ്തമായിരിക്കും.
