ലിപ്സ്റ്റിക് വില്ലനാകുമ്പോൾ!

FB വൈറൽ

2026 ജനുവരി 10, 1447 റജബ് 21

മലയാളി പെൺകുട്ടികളുടെ ബാഗിലെ ഒഴിച്ചുകൂടാനാവാത്ത ഒന്നായി ലിപ്സ്റ്റിക് മാറിയിരിക്കുന്നു. എന്നാൽ, കേവലം സൗന്ദര്യത്തിനപ്പുറം ഇത് ശരീരത്തിനുള്ളിൽ ഒരു നിശ്ശബ്ദ കൊലയാളിയായി മാറുന്നുണ്ടോ എന്ന് നാം ചിന്തിക്കേണ്ടിയിരിക്കുന്നു. അടുത്തിടെ പുറത്തുവന്ന ചില മെഡിക്കൽ റിപ്പോർട്ടുകൾ പ്രകാരം, മദ്യപിക്കാത്ത സ്ത്രീകൾക്ക് പോലും കരൾ സംബന്ധമായ അസുഖങ്ങൾ (Liver Cirrhosis)വരുന്നത് ലിപ്സ്റ്റിക്കിലെ വിഷാംശങ്ങൾ മൂലമാണെന്ന് സംശയിക്കപ്പെടുന്നു.

എങ്ങനെയാണ് ലിപ്സ്റ്റിക് കരളിനെ ബാധിക്കുന്നത്?

ലിപ്സ്റ്റിക് പുരട്ടുമ്പോൾ അത് ഭക്ഷണം കഴിക്കുമ്പോഴും സംസാരിക്കുമ്പോഴും അറിയാതെ തന്നെ വയറ്റിലെത്തുന്നു. ഇതിലടങ്ങിയിരിക്കുന്ന രാസവസ്തുക്കൾ രക്തത്തിൽ കലരുകയും അവയെ ശുദ്ധീകരിക്കേണ്ടി വരുന്ന കരളിന് അമിതഭാരം ഉണ്ടാവുകയും ചെയ്യുന്നു.

ലിപ്സ്റ്റിക്കിലെ വില്ലന്മാർ

‘ലെഡ്’ എന്നത് മിക്കവാറും ലിപ്സ്റ്റിക്കുകളിൽ നിറം നിലനിൽക്കാൻ ഉപയോഗിക്കുന്ന ഘനലോഹമാണ്. ഇത് നാഡീവ്യൂഹത്തെ മാത്രമല്ല, കരളിന്റെ കോശങ്ങളെയും ദോഷകരമായി ബാധിക്കുന്നു. കാഡ്മിയമാണ് മറ്റൊന്ന്. ക്യാൻസറിന് കാരണമാകുന്ന ഈ ലോഹം ശരീരത്തിൽനിന്ന് പുറന്തള്ളാൻ പ്രയാസമാണ്. ഇത് കിഡ്‌നിയെയും കരളിനെയും തകരാറിലാക്കാം. ഫോർമാൽഡിഹൈഡ് ആകട്ടെ ലിപ്‌സ്റ്റിക് കേടാകാതിരിക്കാൻ ചേർക്കുന്ന ഒരു പ്രിസർവേറ്റീവാണ്. ഇത് ശരീരത്തിലെത്തിയാൽ അവയവങ്ങൾക്ക് വീക്കം ഉണ്ടാക്കുന്നു.

സാധാരണഗതിയിൽ മദ്യപാനമാണ് സിറോസിസിന് കാരണമെന്നാണ് നാം കരുതുന്നത്. എന്നാൽ, ‘നോൺ-ആൽക്കഹോളിക് സ്റ്റീറ്റോഹെപ്പറ്റൈറ്റിസ്’ എന്ന അവസ്ഥയ്ക്ക് ഇത്തരം രാസവസ്തുക്കൾ കാരണമാകുന്നു. കുട്ടികളെ ലിപ്സ്റ്റിക് ഉപയോഗത്തിൽനിന്ന് തടയുക. സൂക്ഷിച്ചാൽ ദുഃഖിക്കേണ്ട.