2023 സെപ്തംബർ 23 , 1445 റ.അവ്വൽ 08

നബിദിനാഘോഷം: ബിദഈ ഫാക്ടറികളിൽ നിർമിച്ച ‘തെളിവുകൾ’ അപര്യാപ്തം തന്നെ!

അബ്ദുൽ മാലിക് സലഫി

സ്വന്തത്തെക്കാൾ മറ്റൊരാളെ ഇഷ്ടപ്പെടുക എന്നത് സ്നേഹാതിരേകത്തിന്റെ പരമകാഷ്ഠയാണ്. അന്ത്യപ്രവാചകനോടുള്ള അനുചരന്മാരുടെയും പിൽക്കാലക്കാരുടെയും സ്നേഹവും ബഹുമാനവും ഈ ഗണത്തിൽപെട്ടതാണ്. എന്നാൽ, മറ്റേത് രംഗത്തുമെന്ന പോലെ ഇസ്‌ലാമിക നിർദേശങ്ങൾ പാലിക്കാതിരുന്നാൽ അത് പ്രഹസനവും ശിക്ഷാർഹവുമായിത്തീരുമെന്ന കാര്യത്തിൽ സംശയമില്ല. നിർഭാഗ്യവശാൽ, ഇന്ന് നബിസ്നേഹത്തിന്റെ പേരിൽ നടക്കുന്ന പല കോപ്രായങ്ങളുടെയും സ്ഥിതി ഇതാണ്.