2023 ജൂലൈ 15 , 1444 ദുൽഹിജ്ജ 27

ഏക വ്യക്തിനിയമവും ബഹുസ്വര സമൂഹവും

സുഫ്‌യാൻ അബ്‌ദുസ്സലാം

പതിവു പോലെ ഏകീകൃത സിവിൽകോഡ് വീണ്ടും ചൂടുപിടിച്ച ചർച്ചയ്ക്ക് വഴിവെച്ചിരിക്കുകയാണ്. തിരഞ്ഞെടുപ്പുകളോടനുബന്ധിച്ച് നടക്കാറുള്ള ‘പൊതുമിനിമ സാമുദായിക ധ്രുവീകരണ പരിപാടി’ക്കപ്പുറം പുതിയ മാനങ്ങളിലേക്ക് ഇപ്രാവശ്യം വിവാദം കൊഴുക്കുമെന്നാണ് മനസ്സിലാവുന്നത്. ഈ രാഷ്ട്രീയ ചതുരംഗപ്പലകയിൽ ശത്രുവാര്, മിത്രമാര് എന്ന് നിർവചിക്കുന്നിടത്ത് ഭൂതത്തിനെ കുടത്തിൽ നിന്ന് പുറത്തിറക്കിയവർക്ക് വരെ വ്യക്തമായ ധാരണയില്ലാത്ത വിധമാണ് കാര്യങ്ങൾ മുന്നോട്ടുപോയിക്കൊണ്ടിരിക്കുന്നത്.