2023 മാർച്ച് 11, 1444 ശഅ്ബാൻ 18

റമദാനിനെ വരവേൽക്കുമ്പോൾ

സയ്യിദ് സഅ്ഫർ സ്വാദിഖ് മദീനി

നാട് ലിബറലിസത്തിലേക്ക് കയറു പൊട്ടിച്ചോടിയ വര്‍ഷമാണ് കടന്നുപോയത്. സാധാരണക്കാരടക്കം അതിരുകളില്ലാത്ത ആനന്ദമാഘോഷിക്കാന്‍ തെരുവിലിറങ്ങിയതിന് കേരളം സാക്ഷിയായി. സ്വാതന്ത്ര്യത്തിന് നിര്‍വചനം നല്‍കുന്നിടത്ത് ഭരണകൂടത്തിന് പോലും പിഴച്ചതും നാം കണ്ടു. വിശ്വാസികളെന്ന് നടിച്ചവരുടെ തനിനിറം പലപ്പോഴായി ഈ സത്യാനന്തരകാലത്ത് പുറത്തുവന്നു. റമദാന്‍ സമാഗതമാവുകയാണ്. തിരുത്താനും തിരുത്തപ്പെടാനും നോമ്പിനോളം സാധ്യതയുള്ള മറ്റൊരു നാളും വരാനില്ല. നിഷ്‌കളങ്ക മനസ്സോടെ റമദാനിനെ വരവേല്‍ക്കാം നമുക്ക്.